biskocho m.

תופין, רקיק, כעך

alegria kon biskochos de rakí (t.)

שמחה מזוייפת

biskocho de franzelera

כעך בטעם אניס

biskocho de polvo/d'asukar

כעך פשוט אפוי מקמח טהור, או מקמח וסוכר

biskochos de alhashu

כעך במילוי אגוזים ושקדים

BIMUELOS DE PATATA KON KEZO
Materiales:
4 patatas kochas
1 vazo de kezo rayido (kashkaval, parmezan, etc.)
3 guevos bateados
sal a gusto
azeyte para friyir
Preparasion: Mesklar las patatas echas puree, el kezo rayido, los guevos bateados, la leche i la sal. Kaentar bien la azeyte i kon manos umidozas o kon una kuchara tomar la kantidad de un bimuelo, darle la forma redonda i friyirlo de las dos partes asta ke deviene rosho. Kitarlo de la sarten i meterlo sovre un papel ke embeve azeyte. Los bimuelos se komen kaentes kon arope o kon otro sirop.

BISKOCHOS SALADOS
Materiales:
1 kilo de arina
300 gramos de margarina
1/2 vazo de azeyte
40 gramos de levadura
1 kucharika de sal
100 gramos de susam
1 kucharika de mahleb machakado
1 kucharika yena de anason
1½ vazos de agua
Preparasion: Dezazer la levadura en media kupa de agua tivia kon una preza de asukar i una kuchara de arina i deshar pujar. En un resipiente (mijor si es de plastik) mesklar bien el kilo de arina kon la margarina, asta ke la arina se aze komo granuda. Azer un foyo en medio, meter la levadura ke entremientres ya pujo, echar una aregada de azeyte por enriva, adjustar la sal, el mahleb i el anason, amasar un poko todo en una. Adjustar los sien gramos de susam i azer la masa en adjustando poko a poko un vazo i medio de agua tivia. La masa obtenida no deve ser dura. Deshar repozar la masa kuvijada kon un kanyamazo limpio, una ora i media asta dos oras en un lugar mas o menos kaente. Kuando la masa ya pujo bastante, azer los biskochos dandoles la forma de una mania de sinko o sesh sms. de diametro. Enfornar en orno kaentado asta 180° - 200°, i deshar kozer asta ke toman una kolor rosha eskura.

BISKOCHOS DE GUEVO
Materiales:
3-4 vazos de arina
1 paketo de margarina blanda
1 vazo de asukar
1 guevo
1 kucharika de "Baking-Powder"
1/2 vazo de agua
Preparasion: Serner la arina adientro de un paylon, meter por enriva la margarina desminuzada, mesklarla bien bien entre las palmas de la mano kon la arina, adjustar la asukar, el guevo bateado, el "Baking-Powder" i a la fin la agua, amasar bien asta azer una masa suave. Deshar repozar una ora. Tomar pedasos de la masa de la grandor de un guevo chiko. Polvorear enriva de la meza un poko de arina i arodear la masa asta ke toma la anchura de un santimetro i la largura de kinze a diez i ocho santimetros; apegar las puntas la una sovre la otra en apretando, ansi toma la forma de una mania. Despues untar una tava kon margarina o polvorear un poko de arina para ke los biskochos no se apegen. Aresentarlos en la tava no muy serka uno del otro porke pujan, i enfornarlos en orno ke fue kaentado de antes a 180°. Estan prontos kuando toman una kolor rosha klara.