yagur (1) (bulg.) m.

יוגורט

yagurt/ti/te (t.)

492230

yigurt (t.)

495420

yogu

495700

AYRAN
Materiales:
1 kilo de yogurt
1 vazo de agua
sal a gusto
Preparasion: Mesklar el yogurt kon la agua. Adjustar la sal. Si se kere mas kaldudo se adjusta mas agua. Meter el ayran en una kanata de vidro i deshar yelar en el frijider asta la ora de servir.

BERENDJENAS FRITAS KON YOGURT I
Materiales (6 - 8 porsiones):
3 berendjenas
4 dientes de ajo
2 vazikos de yogurt
sal
azeyte
Preparasion:Mundar i kortar la berendjena tajadas de 1 - 1,5 sms. de godrura, meter por enriva sal, deshar eskurrir las tajadas en un tefsin burakado serka de una ora, enshugarlas kon papel absorbiente. Friyirlas de las dos partes en azeyte muy kaente por unos kuantos minutos, asta ke toman una kolor rosha. Despues friyir por un segondo tres dientes de ajo pikado i esparzirlos sovre las tajadas de berendjena. Meterlo todo, para ke eskurra la azeyte, en un tefsin burakado o sovre un pedaso de papel absorbiente i despues aresentar las tajadas en un plato. Antes de komer mesklar el yogurt kon la sal i el resto del ajo pikado. Se sierve porsiones i por enriva de kada porsion se mete tres kucharas de yogurt kon ajo.

BERENDJENAS FRITAS KON YOGURT II
Materiales (4 - 6 porsiones):
2 berendjenas
2 vazikos de yogurt
2 dientes de ajo pikado o majado
sal
azeyte para friyir
Preparasion: Lavar las berendjenas sin kitar la kashka, kortarlas en tajadas de medio santimetro, meterlas en un tefsin burakado, echar por ensima sal i desharlas eskurrir una media ora. Despues esprimirlas bien, enshugarlas en una tevaja i friyirlas en la azeyte ke ya fue kaentado de antes. Meter las tajadas fritas sovre un plato i desharlas yelar un poko. Mesklar el yogurt kon el ajo i un poko de sal i echarlo sovre las berendjenas fritas. Servir imediatamente