|
TISHPISHTI II
Materiales:
1 kupa de agua
1 kupa de azeyte
1 paketo de margarina
3 kupas de semola
3 kupas de arina
1 paketiko de "Baking Powder"
150 gramos de muez machakada
150 gramos de almendra machakada
1 punyado de susam
1 kucharika yena de kanela
1/2 kupa de asukar
Para el sirop:
1½ kupas de agua
1½ kupas de asukar
2 kucharas de sumo de limon
Preparasion: Meter en un resipiente la agua, la azeyte i la margarina i meterlo a la lumbre. Kuando empeso a buyir abasharlo de la lumbre, adjustar la arina, la semola i el "Baking Powder". Mesklar bien kon una kuchara i despues amasar kon las manos asta ke se resive una masa liza. Despartir la masa en dos, aresentar la metad en un paylon no muy grande i echarle por enriva el gomo ke ya fue aprontado de antes kon la muez, la almendra, la kanela, la asukar i el susam. Aresentar enriva la otra metad de la masa. Kortar en forma de mogados i meter a orno kaentado a 150°. Kozer entre una ora i una ora i un kuarto. El tishpishti esta pronto kuando se aze rosho i se despega de los lados. Kuando el tishpishti se yela, echar por enriva el sirop aprontado en buyendo los materiales unos diez minutos.
|