|
SHAMLIA
Materiales:
1 guevo
1 vazo de arina
agua (la kantidad de la media kashka del guevo)
muncha azeyte para friyir
asukar pudra
vanilya pudra
Preparasion: Adientro de una kacharola, batear el guevo kon la agua, adjustar avagar avagar la arina, azer una masa bien liza, absolutamente no dura i desharla repozar serka media ora, tapada kon un nylon para ke no se seke. Despues de media ora tomar la masa, kortarla en dos o tres pedasos, polvorear enriva de la meza un poko de arina i avrir la masa el kadar de delgada ke se puede. Kortarla en bandas de vente sms. de largura i dos o tres sms. de anchura. Kon la mano darles forma de ocho, de fiongo o de bulema i friyirlas muy poko, porke se friyen muy presto, en azeyte onda i muy kaente, asta ke toman una kolor rosha klara. Aresentarlas en una fayancha. Kuando se yelan polvorear por enriva asukar pudra i vanilya.
|