sémola f.

סולת, קמח מובחר; גריסים

desazer la sémola

לחלק בצורה בזבזנית בלי לתת את הדעת לנצרכים באמת

espartir la sémola

לתת את הנתחים השמנים למי שאינו נצרך

PASTA DE SEMOLA
Materiales:
Para la pasta:
1½ vazos de semola
1 vazo de agua o
de sumo de fruta
4 guevos
1 vazo de azeyte
1 vazo de asukar
1 vazo de arina
1 paketo de "Baking Powder"
1 paketo de vanilya
1 preza de sal
Para el sirop:
1 vazo de agua
2 vazos de asukar
2 kucharas de sumo de limon
Preparasion: En una salatiera mesklar bien todo el material de la pasta - la meskla es un poko blanda. Aresentar la masa en una tava untada de antes de todas las partes kon margarina o polvoreada kon arina. Kon una espatula enderechar la pasta para ke sea uniforme de todas las partes. Meter al orno por media ora a 180°. De otra parte, aprontar i mesklar los materiales del sirop i meter a buyir asta ke se espesea. El sirop se deve echar sovre la pasta kuando esta ainda kaente para ke pueda absorberlo. Si se kere se puede polvorear kon kokos, muez o almendra mulida.

SHAM MALI
Materiales:
Para la pasta:
2 vazos de semola
2 guevos
1¼ vazos de asukar
1 vazo de agua
1/4 paketo de "Baking Powder"
1/4 vazo de almendras blankeadas i molidas
almendras blankeadas, echas medias
Para el sirop:
2 kucharas de miel
1 vazo de asukar
1/2 vazo de agua
1 kuchara de sumo de limon
Preparasion de la pasta: Mesklar bien la semola, los guevos, la agua, la asukar, el "Baking Powder" o la soda de bever i las almendras molidas. Azer una masa i desharla repozar, tapada, de sinko a diez minutos. Tomar un paylon o un pyrex de 20 x 30 sms. untarlo kon azeyte o margarina, meter la masa de la pasta i enderecharla bien kon una espatula de manera ke sea igual por todas las partes. Kortar en forma de mogados i meter media almendra sovre kada mogado. Kaentar el orno a 180° i enfornar la pasta asta ke toma una kolor rosha. Kortar de muevo segun lo izimos de antes, deshar ke se yele i entonses meter por enriva el sirop, ke viene de ser echo, kuando esta ainda kaente.
Preparasion del sirop: Meter todos los materiales en una oya sovre lumbre mediana, desharlos buyir sinko minutos i abasharlo del fuego.