|
ROSKAS
Materiales:
1 kilo de arina
30 gramos de levadura
1 vazo de asukar
½ vazo de azeyte
1 kucharika yena de kanela
2 guevos (si se kere)
Preparasion: Dezazer la levadura kon un poko de asukar i media kupa de agua tivia. Meter en un resipiente la arina sernida, la asukar, la azeyte, la kanela, los guevos i la levadura dezecha. Mesklar todo bien i kon agua tivia empesar a azer la masa, kudiando ke kede blandika komo la punta de la oreja. Kuvijar la masa kon una pecheta limpia i deshar ke se venga. Kuando pujo al doble la masa, se desparte en sesh, ocho o diez pedasos, sigun la grandor de las roskas ke se dezea. Polvorear la meza kon un poko de arina i finyendo ensima a los pedasos de masa, se les da la forma de manias grandes, de sinko sms. de anchura. Kuando estan prontas, meter en un lugar no yelado, polvoreando de antes de arina i deshar de muevo ke se vengan. Kuando ya pujaron una segunda vez, untar ensima guevo bateado, meter susam i si se kere una kuantas almendras i enfornar en orno ke ya fue kaentado de antes a una temperatura de 200° - 210°. Las roskas estan prontas kuando toman una kolor rosha enriva i debasho.
|