|
MULUPITAS
Materiales:
4 guevos
3-4 vazos de arina
2 paketikos de vanilya pudra
o un poko de almastiga machakada
1 vazo de asukar
Preparasion: Batear los guevos kon la asukar asta ke puja bueno i ke la asukar se dezaze (en el mikser es mas fasil). Echar avagar avagar la arina i kontinuar a batear o a lavorar kon el mikser. La meskla deve ser una manera de masa muy blanda ke no se viene a aferrar kon la mano. La kantidad de arina depende de la grandor de los guevos. Adjustar la vanilya o la almastiga i kuando todo ya esta bien mesklado, untar una tavla kon margarina i kon una kuchara de supa eskudiar las mulupitas una al lado de la otra, deshando unos kuatro sms. entre eyas. Enfornar en orno ke ya fue kaentado de antes a una temperatura de 210° - 240°. Despues de diez minutos abashar la kaentor a 180° i deshar en el orno asta ke las mulupitas toman una kolor rosha klara.
|