medio m.

חצי; אמצע; סביבה

aki es en medio el mundo, amezurando!

בלעג על הכרזה חסרת בסיס: "כאן בדיוק ובצורה מדודה נמצא מרכז העולם..!"

al bel medio dia

בפרהסיא, לאור היום

deshar por en medios

להשאיר עבודה באמצע

dos medios

תאומים זהים

en medio

באמצע

estar en medio de mar

להסס, לא להיות מסוגל לפעול

gastar d'en medio

לבזבז כסף מן הקופה המשותפת

kedar por en medio

אינו מסוגל להמשיך

kitar den medio

השמיט

kitar en medio

הציג/גילה לעיני כל

la media

צלצול מחצית השעה באורלוגין

medias de kalavasa

חצאי קישואים ממולאים

medio i medio

חצי חצי

meter a uno en medio la kaye

לפטר מישהו מעבודתו ולהותירו בלי פרנסה (לזרוק אותו לרחוב)

meterse en medio

להתערב ולפשר

no kedar ni medio

לרזות מאוד

partir medio por medio

לחצות לשני חלקים שווים

por medio

על ידי

salir de en medio

למשוך ידיו מהעסק

salir en medio

להופיע לפתע, לצוץ, לבצבץ, לצאת חוצץ

son las dodje i media

השעה היא שתים עשרה וחצי

tomar de en medio

למשוך מן הקופה המשותפת

tomar por en medio

להפתיע מישהו בשאלה בלתי צפויה

meyo

315770

MEDIAS DE KALAVASA I
Materiales (6 - 8 porsiones):
1 kilo de kalavasas largas, no muy delgadas
400 gramos de puree de patata
12-14 kucharas de kezo o kashkaval rayido
1 vazo de agua
tomatada
sal a gusto
arina
azeyte para friyir
Preparasion: Rayer la kashka de las kalavasas, enshaguarlas, kortarlas a la larga i despues a la ancha de en medio, de manera ke se obtiene de kada kalavasa kuatro medias. Kon la punta de una kucharika vaziar las medias de sus pulpa, asta ke kedan komo unas barkitas. (No echar la pulpa. Se puede rayer o pikar minudo i azer kon eya gomo de handrajo para boyos o burekas).
Mesklar la puree - ke no deve ser kalduda - kon el kezo, un guevo bateado i la sal. Kon una kuchara inchir las medias. Untar, solo de la parte del gomo, en la arina i despues en el otro guevo bateado. Friyir las medias en primero de parte del gomo i despues de la otra parte tambien. Aresentarlas en un paylon una al lado de la otra. Dezazer la tomatada kon la agua, si ay kaldo de tomat fresko es ainda mas savrozo; adjustar un poko de sal i kuvrir las medias de kalavasa kon el kaldo. Gizar en lumbre flosha, avagar avagar asta ke las kalavasas se ablandan. Es bueno de deshar un poko de kaldo.

MEDIAS DE KALAVASA II
Materiales (10 porsiones):
10 kalavasikas
1/2 vazo de kashkaval rayido
250 gramos de kezo blanko
2 guevos
1-2 kucharas de arina
1 kucharika de sal
azeyte para friyir
Para la salsa:
100 gramos de tomatada
2 vazos de agua
sal a gusto
Preparasion: Lavar bien las kalavasikas i desharlas kon las kashkas para ke keden mas tiernas. Kortarlas, a lo largo, en dos i kitar un poko de la pulpa. Mesklar los kezos kon los guevos, la arina i la sal i inchir las medias kalavas kon este gomo (si el gomo esta kaldudo adjustar un poko mas de arina). Despues kaentar azeyte en una sarten i friyir las medias kalavasikas de la parte del gomo metiendolas en la azeyte kon muncha delikateza. En el momento ke ya toman una kolor rosha aboltarlas en la azeyte i friyirlas pokos minutos de la parte de la kashka tambien. Aresentar las medias kalavasikas en un pyrex, echar por enriva la tomatada dezecha en las dos kupas de agua i meter al orno ke ya fue kaentado de antes a 200°. Kozer 45-50 minutos. Las kalavasikas deven estar blandas ma no dezechas. Si se kere, antes de kitar del orno se puede echar por enriva mas kashkaval rayido i meter al gril por pokos minutos, asta ke el kashkaval se dirrite i empesa a tomar una kolor rosha. Servir kaente.