masá (ebr.) f.

מצה

masá (ebr.) al kaldo

חתיכות מצה טבולות במרק

masá (ebr.) amojada

מצה טבולה במים

masá (ebr.) de vino/d'aeite/d'asukar

מצה עשירה

masá de agua

מצה רגילה

masá shemurá (ebr.)

מצה שמורה

matsá (ebr.)

307540

BIMUELOS DE MATSA
Materiales:
4 matsot
2 guevos
1/2 kucharika de sal
azeyte para friyir
Preparasion: Mojar las matsot asta ke se ablandan, esprimirlas i dizminuzarlas en una kacharola, adjustar la sal, los guevos bateados i mesklar todo. Kaentar azeyte en una sarten, tomar la kantitad de una kuchara de la meskla, formar el bimuelo kon las manos un poko umidozas, meterlo en la azeyte kaente i friyirlo de las dos partes asta ke se aze rosho. Kitar de la sarten i meter sovre un papel ke embeve azeyte. Se sierve kon arope, kon miel o kon sirop echo kon agua i asukar.

BIMUELOS DE MATSA, PATATA I KEZO
Materiales:
4 matsot
2 patatas kochas
1 vazo de kezo duro rayido
4 guevos bateados
sal a gusto
azeyte para friyir
Preparasion: Esprimir bien i dizminuzar adientro de un paylon las matsot ke ya fueron metidas en mojo i ablandadas. Adjustar la puree ke fue echa de las patatas kochas, el kezo rayido, la sal i los guevos bateados. Mesklar bien todo el material i friyir komo fue eksplikado en la recheta presedente.

MINA DE KARNE
Materiales (4 porsiones):
6 matsot
5 guevos
250 gramos de karne mulida
1 sevoya grande
2 kucharas de prishil pikado
1 tomat grande
1 patata kocha
sal i pimienta a gusto
Preparasion: Mojar bien las matsot i meterlas a eskurrir. De otra parte friyir la sevoya kortada minudo asta ke se aze transparente, adjustar la karne mulida i dizminuzarla asta ke se koze. Adjustar el tomat sin kueros i sin pipitas i kortado minudo, kozer otros sinko minutos, abashar de la lumbre i adjustar el prishil, la sal i la pimienta. En otro resipiente batear kuatro guevos. Esprimir las matsot i mesklarlas kon los guevos. Untar un paylon kon azeyte, kaentarlo un poko en la lumbre i aresentar la metad de la meskla de guevos i matsot, de manera ke tape bien el fondo. Sovre esto meter el gomo de la karne, meter ensima de la karne el resto de las matsot meskladas kon los guevos, de manera ke sea kuvijada de todas las partes. Adjustar las patatas echas puree, sal i pimienta i un guevo bateado kon un poko de agua i kuvrir las matsot kon la puree. Meter en orno a 180° i kozer media ora. Kuando toma una kolor rosha i se despega de los bodres, la mina ya esta pronta.

SODRA
Materiales (2 porsiones):
4 matsot dizminuzadas
2 vazos de agua
1/2 kucharika de sal
3 kucharas de azeyte
1 guevo
1/2 limon
Preparasion: En un resipiente ondo meter a buyir la agua, el sumo de limon, la azeyte i la sal. Kuando esto todo dio un buyor, adjustar las matsot echas pedasikos, deshar ke embevan el kaldo ma ke keden un poko mojadas, ke no esten enteramente sekas. Abashar de la lumbre, batear el guevo i mesklarlo kon la sodra. Se kome fresko, en lo ke esta ainda kaente.

REVANADAS DE PARIDA PASKUALES
Materiales (2 porsiones):
2 matsot
1 guevo
azeyte para friyir
arope o kashkaval rayido
Preparasion: Las matsot se mojan un poko i se kortan en kuatro. Se meten dos pedasos uno ensima del otro, se untan en el guevo i se friyen en la azeyte kaente. Antes de komer se mete enriva, sigun el gusto, arope o kashkaval rayido.

MANURAS
Materiales:
2 matsot por persona
kezo blanko o kashkaval rayido
azeyte
1 guevo rifidan por persona (si se kere)
Preparasion: En un resipiente buyir agua kon un poko de sal. Abashar de la lumbre i meter adientro las matsot kortadas en pedasos grandes, desharlas repozar tres minutos, kitarlas de la agua i eskurrirlas. En lo ke las matsot estan ainda kaentes i un poko mojadas, esparzir por enriva kezo blanko o kashkaval rayido i una aregada de azeyte. Los ke lo dezean pueden adjustar tambien el guevo rifidan i mesklarlo kon el resto.