|
KURABYES
Materiales:
1½ paketos de margarina a temperatura de la kaza
1/2 vazo de azeyte
2 paketikos de "Baking Powder"
750 gramos de arina
2 kucharas de raki, likor o konyak
2 paketikos de vanilya pudra
1/2 vazo de asukar pudra
Preparasion: Mesklar bien la arina kon la margarina adientro de un resipiente ondo, adjustar el resto del material sin meter agua del todo, asta ke se aze una masa muy suave komo seda. Tomar pedasos de la masa de la grandor de un guevo chiko, amasar i arodear entre las manos, despues ahajar entre las dos palmas de la mano i kon los dedos azer formas de estreya, de sirkolo, de mogado, de media luna... Es fasil porke la masa lo permete. Los kurabyes deven tener de 1 - 1,5 sms de altura. Enfornar en orno kaentado a 180° - 200° asta ke toman una kolor rosha klara. Antes de servir se polvorea por enriva asukar pudra.
|