harose/haroset (ebr.) m.

חרוסת

HAROSET I
Materiales:
1/2 vazo de datiles sin kueshko
2 mansanas
5-6 kayisis sekos
1/2 vazo de muez
Preparasion: Kozer los datiles sin el kueshko, las mansanas mundadas i echas tajadas i los kayisis sekos, kortados en kuatro, en un resipiente kon agua, asta ke se ablandan. Vaziar la agua, ahajar la fruta kon un piron asta ke deviene puree (o pasar al blender), adjustar la muez pikada. El ken le agrada mas dulse puede adjustar asukar a gusto.

HAROSET II
Materiales:
1 vazo de pasas sultanina
1 vazo de datiles
1 portakal
1 mansana
1/2 vazo de vino dulse
Preparasion: Meter a kozer por unos kuantos minutos las pasas i los datiles sin los kueshkos i kortados minudo, la portokal i la mansana mundadas i echas gajos, kon el vino. Kuando se kozio i se apuro enteramente, azer puree. Se puede adjustar asukar a gusto.