guevo m.

ביצה; אשך

alechuga kon el guevo a la punta

חסה שהלב שלה עסיסי וגדול

batir guevos

להקציף ביצים

de los guevos butros

כינוי לעשיר

el guevo de mi vezina tiene dos yemas!

הדשא של השכן תמיד ירוק יותר!

estar kon el guevo a la punta

'לעמוד להטיל ביצה'' - צורך דוחק ללכת לשרותים

guevo bozdeado (t.)

ביצה מקולקלת

guevo de baba

ביצת ברווז

guevo de rana

דבר חסר ערך

guevo enhaminado/haminado (ebr.)

ביצה קשה, ביצה של חמין

guevo fresko/guevo bayat

ביצה טריה/ישנה

guevo gayado

ביצה מופרית

guevo maneado

ביצה טרופה - כינוי למי שפוסח על שתי הסעיפים

guevo rafidan/refidan (t.)

ביצה רכה

guevos batidos

ביצים מוקצפות

kakarear sin meter guevo

לדבר בלי לפעול

klara de guevo

חלבון הביצה

korelado/yema de guevo

חלמון

meter aza al guevo

'להדביק ידית לביצה'' - לסבך את העניינים, לחפש קשיים במקום שאינם בנמצא

meter guevo

להטיל ביצה

meter guevos al kanton

לעשות עסקים לא טובים

meter guevos al mendel (t.)

להתבטל על כריות הספה

partidos de un guevo

תאומים זהים

salido de la kashka del guevo

ירוק, מתחיל, זה אך בקע מביצתו

ser un guevo partido en dos

דומים זה לזה כשתי מחציות ביצה

tomad este guevo i echadlo a la oya!

קחו את הביצה הזו והטילוה לקדירה! - נאמר כשמישהו אומר דבר מוזר שאינו במקום

yeno komo el guevo

מלא וגדוש

SUPA DE GUEVO I LIMON
Materiales (6 porsiones):
1/2 vazo de arroz
1 guevo entero
1 yema de guevo
1/4 de vazo de sumo de limon
8 vazos de agua
1 kuchara yena de polvo de supa de geyna,
partes de la geyna komo alas, garon, etc.
Preparasion: Meter a kozer la geyna, adjustar el arroz i deshar kozer asta ke el arroz se ablanda. Adjustar la sal i el polvo de supa de geyna. Batear bien el guevo i la yema i adjustar el sumo de limon. Batear de muevo todo en una i adjustarlo a la supa, en mesklando kontinualmente. Kuando esta para buyir, kitar del fuego i deshar ke repoze unos kuantos minutos antes de servir.

GUEVOS HAMINADOS
Materiales (4 porsiones):
8-10 guevos
2 kucharas de azeyte
1/2 kucharika de kafe
las kashkas de 5-6 sevoyas sekas
1 kucharika de sal
agua
Preparasion: Meter los guevos adientro una oya, adjustar todo el material, kuvrir kon agua i meter a buyir en fuego muy flosho sinko o sesh oras. Si se prefera, se puede meter al orno, tambien muy flosho, durante la noche entera. Los guevos salen roshos, kon un aroma espesial i muy agradavle.

GUEVOS KON ESPINAKA
Materiales (4 porsiones):
1/2 kilo de pazi o espinaka
4 guevos
1/2 vazo de agua
2 kucharas de azeyte
sal i pimienta a gusto
Preparasion: Mundar, enshaguar i kortar la espinaka delgada, meterla a kozer en lumbre flosha en una sarten kon agua, azeyte, sal i pimienta. Kuando se kozio, avrir por enriva los kuatro guevos. Si se dezea ke las yemas de los guevos sean duras, komo guevos haminados, se tapa la sarten durante el gizado i si a la kontra se kere ke las yemas sean komo el guevo rifidan, se deshan sin tapar.

GUEVOS KON TOMAT
Materiales (6 porsiones):
1/2 kilo de tomates
2 kucharas de azeyte
6 guevos
sal a gusto
Preparasion: Meter el tomat sin el kuero i sin las pipitas, kortado minudo en un paylon onde pueden entrar sesh guevos, adjustar azeyte i sal, tapar i kozer en ahajando de vez en kuando el tomat. Kuando el tomat ya se kozio bien (si no esta bastante kaldudo se puede adjustar un poko de agua) se avrin por enriva los guevos, a una sierta distansia el uno del otro. Si se dezea ke la yema kede kalduda no se tapa el paylon, ma si se kere ke la yema sea haminada, entonses se tapa. Ay ke meter un poko de sal enriva de kada guevo. Se kome kaente.

PISHKADO KON GUEVO I LIMON
Materiales (4 porsiones):
1 kilo de pishkado (kefal, chipura,
sardela o todo otro pishkado)
2 guevos
2 kucharas de azeyte
1 kuchara de prishil pikado
1 limon
sal i pimienta a gusto
Preparasion: Eskamar el pishkado, alimpiarlo i enshaguarlo i si es grande se puede azer puestas. Meter sal por enriva i desharlo eskurrir en tefsin burakado. Aresentarlo en un paylon, kuvrirlo kon agua, adjustar el sumo de medio limon, la azeyte, el prishil, la sal i la pimienta. Deshar kozer todo sovre lumbre moderada kinze minutos. Despues abasharlo de la lumbre, batear los guevos kon el sumo del otro medio limon i echarlos por enriva del pishkado en lo ke esta ainda kaente. Se sierve kaente o yelado.

BUREKITAS DE KEZO I GUEVO O DE HANDRAJO
Materiales:
Para el gomo regular:
1 guevo bateado
150 gramos de kashkaval rayido
50 gramos de kezo blanko fresko
Para el gomo "handrajo":
1 sevoya
1 berendjena grande
2 tomates
un poko de sal
Para la masa:
5 kupas de arina
1 kupa de azeyte
1 kupa de agua
1 kucharika de soda
un poko de sal
Preparasion: Asar la berendjena, lavarla debasho el chorro i desharla eskurrir diez minutos. Pikarla i adjustar la sevoya kortada minudo i frita, los tomates rayidos i la sal. Azer la masa para las burekitas en amasando bien todo los materiales, i desharla repozar por dos oras en el frijider. Despues avrir una fila de la kuala se korta redondikos kon una kupa i meter ensima de un lado, una kuchara del gomo i serrar por enriva kon la masa, dando la forma de medio sirkolo. Serrar los medios sirkolos, o sea las burekitas, en apretando los bodres entre dos dedos; untarlas de yema de guevo, i echar enriva de eyas un poko de susam, i meter al orno, kaentado de antes asta 200°. Es mijor de aprontar siempre dos gomos para obtener un plato mas variado.

BISKOCHOS DE GUEVO
Materiales:
3-4 vazos de arina
1 paketo de margarina blanda
1 vazo de asukar
1 guevo
1 kucharika de "Baking-Powder"
1/2 vazo de agua
Preparasion: Serner la arina adientro de un paylon, meter por enriva la margarina desminuzada, mesklarla bien bien entre las palmas de la mano kon la arina, adjustar la asukar, el guevo bateado, el "Baking-Powder" i a la fin la agua, amasar bien asta azer una masa suave. Deshar repozar una ora. Tomar pedasos de la masa de la grandor de un guevo chiko. Polvorear enriva de la meza un poko de arina i arodear la masa asta ke toma la anchura de un santimetro i la largura de kinze a diez i ocho santimetros; apegar las puntas la una sovre la otra en apretando, ansi toma la forma de una mania. Despues untar una tava kon margarina o polvorear un poko de arina para ke los biskochos no se apegen. Aresentarlos en la tava no muy serka uno del otro porke pujan, i enfornarlos en orno ke fue kaentado de antes a 180°. Estan prontos kuando toman una kolor rosha klara.

SUPA DE GUEVO I LIMON PASKUAL
Materiales (6 porsiones):
2 matsot dizminuzadas
1 guevo entero
1 yema de guevo
1/4 de vazo de sumo de limon
8 vazos de agua
1 kuchara yena de polvo de supa de geyna
partes de la geyna komo alas, garon etc.
Preparasion: Meter a kozer la geyna, adjustar las matsot i deshar kozer kinze minutos. Adjustar la sal i el polvo de supa de geyna. En otro resipiente batear bien el guevo i la yema i adjustar el sumo de limon. Batear de muevo todo en una i adjustarlo todo a la supa, en mesklando kontinualmente. Kuando esta para buyir, kitar de la lumbre i ya esta pronta para servir.

SODRA
Materiales (2 porsiones):
4 matsot dizminuzadas
2 vazos de agua
1/2 kucharika de sal
3 kucharas de azeyte
1 guevo
1/2 limon
Preparasion: En un resipiente ondo meter a buyir la agua, el sumo de limon, la azeyte i la sal. Kuando esto todo dio un buyor, adjustar las matsot echas pedasikos, deshar ke embevan el kaldo ma ke keden un poko mojadas, ke no esten enteramente sekas. Abashar de la lumbre, batear el guevo i mesklarlo kon la sodra. Se kome fresko, en lo ke esta ainda kaente.

REVANADAS DE PARIDA PASKUALES
Materiales (2 porsiones):
2 matsot
1 guevo
azeyte para friyir
arope o kashkaval rayido
Preparasion: Las matsot se mojan un poko i se kortan en kuatro. Se meten dos pedasos uno ensima del otro, se untan en el guevo i se friyen en la azeyte kaente. Antes de komer se mete enriva, sigun el gusto, arope o kashkaval rayido.

MANURAS
Materiales:
2 matsot por persona
kezo blanko o kashkaval rayido
azeyte
1 guevo rifidan por persona (si se kere)
Preparasion: En un resipiente buyir agua kon un poko de sal. Abashar de la lumbre i meter adientro las matsot kortadas en pedasos grandes, desharlas repozar tres minutos, kitarlas de la agua i eskurrirlas. En lo ke las matsot estan ainda kaentes i un poko mojadas, esparzir por enriva kezo blanko o kashkaval rayido i una aregada de azeyte. Los ke lo dezean pueden adjustar tambien el guevo rifidan i mesklarlo kon el resto.