gayina f.

תרנגולת

armi de gayina

תרנגולת בבצל (מאכל); צלי של פנימו של העוף

enserrarse komo las gayinas

להסתגר בבית עם רדת החשיכה

gayina ke kanta kom'al gayo degoyala

אשה האוחזת מנהגי גבר - ברח ממנה!

gayina vieja asolta buen kaldo

לזקנים בעלי נסיון יש עצות טובות ומועילות

kaldos de gayina muerta

הבטחות/איומים/תכניות חסרי שחר

gaína

197750

gayine

201570

geyna

202610

SUPA DE ARROZ KON GEYNA
Materiales:
7-8 alikas o otras partes de la geyna
3/4 de vazo de arroz
sal a gusto
Preparasion: Esta supa ke se kome jeneralmente para kortar tanit, es muy liviana i en mizmo tiempo sostansioza i su preparasion es muy fasil. Todo lo ke ay de azer es meter en una kaldera grande siete o ocho alikas de geyna ke fueron saumadas i bien alimpiadas, adjustar el arroz alimpiado i la sal, i kuvrir kon agua antes de meter a kozer sovre lumbre mediana por media ora. Despues menguar la lumbre i kozer otruna ora. Siendo ke el arroz embeve muncha agua se deve adjustar agua al tanto ke se aze menester. A la ora de servir, el ken lo dezea puede adjustar unas kuantas gotas de sumo de limon a la supa.

ARROZ KON GEYNA
Materiales (6 porsiones):
1 geyna de un kilo i medio
3 vazos de arroz
6 vazos de agua
3 kucharas de azeyte
sal i pimienta a gusto
Preparasion: Alimpiar, enshaguar i eskurrir bien la geyna, friyirla muy poko de todas las partes kon las tres kucharas de azeyte. Kuvrir kon agua, adjustar la sal i la pimienta i meter a buyir. Kuando buyo, abashar la lumbre i deshar kozer avagar avagar asta ke la geyna se ablanda. Deshar ke se yele antes de kitarla del resipiente. Kortar los pedasos grandes de la geyna en porsiones, meterlos de un lado kon un poko de kaldo para ke no se seken. Despedasar en pedasikos chikos lo ke kedo de la geyna. Mizurar el kaldo de geyna ke kedo. Si ay mas de sesh vazos se kita lo de demazia, si ay menos se adjusta. Adjustar los piskitos de geyna adientro el kaldo i buyir. Apenas buyo la agua adjustar el arroz, mesklar i deshar buyir kuatro o sinko minutos, abashar la lumbre i gizar sin tokar vente minutos, asta ke el arroz se ablanda. Retirar de la lumbre, deshar repozar asta media ora, despues meter en una fayancha grande, aresentando por enriva las porsiones de geyna. Se sierve una porsion de arroz kon un pedaso geyna i por enriva un poko del kaldo de geyna.

KOPETAS DE PECHO DE GEYNA
Materiales (4 porsiones):
1/2 kilo de karne de pecho de geyna mulida
1 guevo
1 revanada de pan mojada
1 sevoya grande pikada
1 kuchara de prishil pikado
1 diente de ajo ahajado
1 kuchara de margarina o godrura de geyna
1 kucharika de polvo de supa de geyna
1/2 vazo de agua (para el kaldo)
una preza de komino
sal i pimienta a gusto
azeyte para friyir
Preparasion: Mojar las manos i mesklar todos los materiales bien. Azer kopetas, friyirlas en la azeyte kaentada de antes i aresentarlas en un resipiente. Mesklar la kucharika de polvo de supa de geyna kon el medio vazo de agua, adjustar a las kopetas i deshar kozer en lumbre muy moderada kaje una ora. Adjustar un poko de agua kada vez ke se embeve. A la fin las kopetas deven kedar sin kaldo, en sus azeyte.

SATES DE GEYNA KON PATATAS
Materiales (4 - 5 porsiones):
1/2 kilo de sates de geyna limpios
1 sevoya grande, kortada en tajadas
4-5 patatas
100 gramos de salsa de tomat
1½ vazos de agua
sal i pimienta a gusto
azeyte para friyir
Preparasion: Meter las tajadas de sevoya a friyir un poko, adjustar los sates de geyna, sufriyir un poko kon la sevoya, mesklar la salsa de tomat kon la agua, adjustar la sal i la pimienta. Meter a gizar. Despues del primer buyor abashar el fuego i deshar gizar una ora i kinze minutos en fuego flosho. Adjustar kuatro o sinko patatas mundadas, enshaguadas i kortadas kuartos grandes i deshar otros vente minutos. Servir kaente.

ALIKAS DE GEYNA KON SEVOYA
Materiales: (5 - 6 porsiones):
1 kilo de alikas de geyna
5-6 sevoyas grandes kortadas en tajadas
1 kuchara de polvo de geyna
50 gramos de margarina
sal i pimienta
Preparasion: Saumar las alikas sovre la lumbre i kitarles los pelos. Lavarlas bien i deshar eskurrir. En una sarten, grande i onda, friyir la sevoya kon la margarina asta ke toma una kolor rosha. Meter las alikas sovre la sevoya frita, dezazer el polvo de geyna en un poko de agua i echarlo sovre las alikas, adjustar sal i pimienta, kuvijar de agua i tapar la sarten. Deshar kozer sovre lumbre flosha unos 45 minutos asta ke las alikas se ablandan i ke el kaldo se apura.

YAHNI DE GEYNA
Materiales (6 porsiones):
1 geyna de un kilo i medio a dos kilos
1/2 kilo de sevoya
1 kilo de tomates, bien echos i kolorados
1/2 vazo de agua
2 kucharas de azeyte
sal i pimienta a gusto
Preparasion: Mundar, enshaguar i kortar la sevoya en tajadas no muy delgadas i abafarlas en las dos kucharas de azeyte. Lavar la geyna, enshaguarla bien i kortarla en porsiones, meterla enriva de la sevoya, deshar kozer asta ke la geyna toma una kolor un poko rosha. Kitar el kuero de los tomates, pikarlos i meterlos sovre la geyna, adjustar sal i pimienta. Deshar sovre la lumbre asta ke la geyna esta bien kocha. Si se dezea ke la komida sea mas arefinada se mete por media ora a orno no muy kaente.