|
FONGOS
Materiales (4 porsiones):
3-4 patatas grandes
150 gramos de kashkaval o otro kezo pikante, rayido
2 guevos bateados
un prasifuchi de pazi o espinaka
sal a gusto
Preparasion: Aprontar los materiales de un prasifuchi asigun la recheta ke damos en muestro livro. De otra parte, eskaldar las patatas, azerlas puree i mesklarlas kon el kezo rayido, los guevos bateados i la sal. La puree deve ser bien espesa. Despues aresentar el prasifuchi en un paylon, uno al lado del otro, (deshar unos tres sms. de distansia de uno al otro). Echar por enriva una aregada de azeyte i meter a orno kaentado a 200° - 210° por 45 minutos, asta ke los fongos toman una kolor rosha eskura. Entonses tomar kon una kuchara de la puree mesklada kon el kezo rayido i los guevos, i meterla enriva, aziendo los fongos.
|