fideo/fideyo m.

איטריה דקה; אדם דק גזרה ושברירי; לכלוך שומני מופרש מהעור

azer fideos

לנהוג בחוסר סבלנות, לגלות סימני עצבנות, להיות על גחלים

kitar fideos

להעביד בזיעת אפיים

FIDEOS
Materiales (4 - 6 porsiones):
1/2 kilo de fideos en madeshas.
1 kuchara de salsa de tomat
kaldo de geyna o
1 kucharika de polvo de supa de geyna
sal a gusto
azeite para friyir
agua
Preparasion: Friyir las madeshas de fideo asta ke se azen roshas de las dos partes. Kitarlas de la tava, meterlas en un tendjere ondo, si ay kaldo de geyna dezazer adientro la salsa de tomat - si no, dezazer la kuchara de polvo de supa de geyna adientro de la agua, meter la sal i adjustar agua asta ke el fideo kede kuvijado, tapar i meter a kozer, deshandolo ke buyga en fuego mediano unos kinze o vente minutos. Kitar el tapon i alevantando los fideos kon un piron, despartirlos uno del otro. Repetar esta operasion dos, tres vezes i kontinuar a gizar el fideo asta ke se ablanda i ke embeve el kaldo. Kuando esta pronto, para ke no se aga masa i no se apegen los fideos uno al otro, se abolta adientro de un paylon grande i los fideos se apartan de muevo, kon un piron, unos de los otros. Kuando kedan un dia, se azen ainda mas pastozos.

SUPA DE FIDEOS
Materiales (4 porsiones):
4 vazos de kaldo de geyna
2 vazos de agua
1 vazo de fideos
1 limon
sal a gusto
Preparasion: En una kacharola mesklar i meter a buyir la agua i el kaldo de geyna, adjustar la sal i imediatamente despues los fideos. Deshar buyir unos sinko minutos en fuego moderado, en mesklando todo de vez en kuando kon una kuchara, sin dizminuzar los fideos. Se sierve kaente en adjustando una aregada de sumo de limon.