|
ALBONDIGAS DE APIO
Materiales (8 - 10 porsiones):
1 kilo de apio
300 gramos de karne pikada
1/2 vazo de pan rayido
2 vazos de kaldo de karne
2 guevos
sal i pimienta a gusto
Para la fritura:
1 guevo bateado
2 kucharas de agua
arina
azeyte para friyir
Preparasion: Mundar las kavesas de apio, lavarlas, kortarlas en kuatro i meterlas a kozer en una kacharola yena de agua asta ke se ablandan. Despues ke esta bien kocho, eskurrir el apio i azerlo puree. Mesklarlo kon el pan rayido, los guevos, la karne pikada, sal i pimienta. Si ay menester adjustar mas pan rayido. Kon manos umidas formar albondigas de sinko sms. de diametro.
Batear el guevo mesklado kon las dos kucharas de agua. Pasar las albondigas por la arina, untarlas en el guevo i friyirlas en la azeyte ke ya fue kaentada de antes, asta ke toman una kolor rosha de las dos partes. Antes de servir, meter las albondigas en una oya, echar por enriva el kaldo de karne i kozer diez minutos.
|