|
PASTA DE DATILES
Materiales:
200 gramos de datiles sin kueshko
1 paketo de margarina
1 vazo de asukar
1 guevo
1 kucharika no yena de kanela
2 vazos de arina
1 paketiko de "Baking-Powder"
1 vazo de agua buyendo
Preparasion: Si los datiles son sekos, echar por enriva el vazo de agua buyendo, para ablandarlos. Si son freskos no ay menester de ablandarlos kon la agua. Kortarlos minudo, adjustar la margarina kortada pedasikos, mesklar bien, adjustar la asukar, el guevo bateado, la kanela, el "Baking-Powder" i la arina. Amasar todo bueno bueno. Estirar la masa en un paylon ke fue untado de margarina i meterlo al orno kaentado de antes a 240°. Abashar la kaentor del orno a 180° i deshar la pasta 45 minutos. Para servir, kortar mogados i polvorear por enriva asukar pudra. |