|
AJADA
Materiales:
2-3 dientes de ajo
1 vazo de azeyte
1 klara de guevo
1 revanada de pan blanko de 4-5 dias de antes
unas gotas de sumo de limon
un poko de sal
Preparasion: Ahajar los ajos i meterlos en el mikser (o en un resipiente onde se puede mesklar kon la mano), djuntos kon la miga kitada de la revanada de pan, mojada i bien esprimida. Mesklar todo i empesar a lavorarlo komo se lavora la mayonez, adjustando kada vez una gota de azeyte, una gota de sumo de limon i un poko de klara de guevo asta ke la azeyte empesa a embeverse. Despues se puede meter la azeyte a media kucharika i mas, despues a una kucharika kada vez, asta ke la ajada se ata bueno i se aze komo una krema. Se kome kon igado frito, kon alguenga yelada o kebap de karne.
|