pecho m.

breast, chest, bosom; waistcoat

asivar los pechos

למרוח אסיבר (אלווי) על השד כדי להרתיע את התינוק מיניקה

dar del pecho

הוציא (כסף)

dar pecho

להניק

de mi pecho no va salir

זה לא על חשבוני - מצדי שיעלה כמה שיעלה; למרות שאין לי עניין בכך אני מתנגד להוצאה

deshar el pecho

חדל לינוק

dolor de pecho

כאבי חזה; חוסר ממון

echarse a uno al pecho

לשכנע מישהו לתמוך בו

echarse al pecho

לשלשל כסף לכיסו, להרוויח,

echarse al pecho

להרוויח, לעשות רווח

ir kon el livro al pecho

לדעת בכל עת את התחייבויותיו ולמלאן; לעמוד תמיד על זכויותיו לפי הספר

ir kon los pechos afuera

ללכת בחזה חשוף

kitar de pecho

להיאלץ לשלם בלי לקבל כל תמורה

kitar el pecho a un kriado

לגמול תינוק מחלב אם

los pechos

השדיים

meter de pecho

למכור בהפסד

meter la mano al pecho

להואיל סוף סוף לשלם

meter la mano al pecho de uno

להכריח מישהו לפתוח את כיסו ולשלם

tener a uno al pecho

להיות בטוח בתמיכתו של מישהו

tomar el pecho

לינוק

va salir de mi pecho

זה יהיה מכיסי

kuvrirse los pechos (Nehama)

se lo echo al pecho (Moscona)

Un pan en el pecho, ni arto ni ambierto

La boka de madre maldize ma su pecho bendize

En los brasos de su padre, en pechos de su madre, komo la roza kuando se avre ansi asemeja el ombre

Sus pechos deznudos i sus ojos brazas (Gaon, Poezias)

sale por los guertos deznuda sus pechos (Gaon, Poezias)

kayentar la sangre ensender el pecho. (Gaon, Poezias)

si entre el pecho su fuersa resona (Gaon, Poezias)

dientro el pecho produizo danyo. (Gaon, Poezias)

triste, ke siempre arazga mi buen korason en mi pecho, (Odisea)

Riir kon despecho / paras non en pecho / ofisial sin echo / vengansa del Dio (La Epoka, Sal. 1900)

Ke la melde i la yeve en su pecho dekontino (Ketuba de la Ley)

Rekojola el gran rey deriento su pecho deshola guardar su ley eskuentra su despecho (Purim, De-Fes, sig. 18)

Pozole punyal en pecho por ver si arrekodrara (Donme, sig 18)

La tavla de los sus pechos a dos o a tres djugare (Donme, sig 18)

I ayo mas ayi varones sin kavesa, i sus ojos i su boka en su pecho, i avlan en su lenguaje i su komida peshkados. (Ben Gorion, 1743)

Tus dos pechos (tus dos kapos rejidores, el koen gadol i el rey, ke de eyos te proviene tu kumplimiento moral i material) van a ser entonses siempre aunados komo dos melisios para giar sus fideles kon djustedad, (M''L Kantar de los Kantares,1899)

toparon kuantas mujeres alechando a sus ijos i kedaron adjuntados mujeres i kriaturas kon el pecho en la boka (Imre Bina, Belgrad 1837)

Sakito de almiskle es mi kerido para mi, entre mis pechos repozara (Biblia, Const. 1873)

Todo lo ke anda sovre el pecho, i todo lo ke anda sovre kuatro o mas pies, de toda sierpe ke va arrastrando sovre la tierra, no lo komash, porke son abominasion. (Biblia, Const. 1873)

de ayi el pastor, la piedra de Yisrael: del Dio de tu padre, i el te ayudara, i de Todopoderozo, i el te bendizira, kon bendisiones de los sielos de arriva, kon bendisiones del abismo ke yazie abasho, kon bendisiones de los pechos i de la bulba. (Biblia, Const. 1873)

de ayi el pastor, la piedra de Yisrael: del Dio de tu padre, i el te ayudara, i de Todopoderozo, i el te bendizira, kon bendisiones de los sielos de arriva, kon bendisiones del abismo ke yazie abasho, kon bendisiones de los pechos i de la bulba. (Biblia, Const. 1873)

Las dos kriaturas mamaron de kontino del mizmo pecho, se rodearon sovre la mizma tierra, korrieron en los mizmos lugares (Pavlo i Virdjinia, 1912)

A las diez manko sinko el doktor Seballos, kitando su ora del pecho en mizmo tiempo ke mostrandomos la ora ke era en la pared de la kamara, nos disho: (El muerto ke esta bivo, 1912)

En verdad, los pechos de su mana eran tan flakitos ke el bebe no tenia ninguna esperansa de artarse de eyos (Otniel Hodja, 2002)

los prinsipales de estos organos son los pulmones o organos de respirasion ke inchen el pecho (La eskalera, Const. 1888)

Los pechikos veyudikos onde los guadraresh vos? (Blanka Flor)

Pishin despozaron. Metieron tiempo para la boda. El rav izo todos los gastes de su pecho (Yihya al Akra, Manus. Yerushalayim 1920)

segula para la mujer ke sus ijos se le mueren has ve-shalom kuando entra a el mez noveno de su prenyez: ke vaya a lugar ke la perra pario, ke meta su pie derecho sovre un perro chiko i ke diga tres vezes: toma a ti el muerto i da a mi el bivo; despurs de esto ke tome la mujer akel perro chiko ke pizo sovre el i ke se lo meta betoh de su pecho sovre su karne mamash i ke meta su kavesa de el al lado i sus pues de el lado estierdo i ke vaya lv mujer kon akel perro chiko a el rio i ke se kite el kushak a tal ke le kaiga el perro de suyo i ke le diga a el aroyo mas tres vezes toma a ti el muerto i da a mi el bivo (manus. Papo, Sarajevo 1840)

segula para mujer ke non le abasha leche: ke incha agua de dos huentes i de un arroyo i ke se lave sus pechos (manus. Papo, Sarajevo 1840)

segula para saver si la mujer esta prenyada de ijo o ija si tiene el pecho derecho gordo i el estierdo menudo es zahar i si no es la buelta (manus. Papo, Sarajevo 1840)

Segula para abufasion de pechos: ke tome 3 guevos i miel i arina de lentejas i ke aga komo un madjun i ke se meta en los pechos (manus. Papo, Sarajevo 1840)

Refua para holi de los pechos ke le guelen mehamat ke los tiene grosos de mucha leche i del muncho hamimut i muncha sangre i non puede mundjir leche i tiene pasion: la melezina es ke tome paja de sevada i ke meta en un tendjere kon agua, ke buya bien i despues ke sonportar 6 vezes ke se lave en dos dias i se melezinara (manus. Papo, Sarajevo 1840)

Refua para holi de puntos de los pechos de las mujeres se untara la mujer su kara la tarde i la manyana en la tarde ke se unte su kara kon azeite de guevos i en la manyana ke se lave kon agua kayente i kon salvado i ke se uze ansi un poko de tienpo se le sarlan de las karas las senyales de las barrugas o manchas (manus. Papo, Sarajevo 1840)

para saver si la mujer prenyada va a parir ijo o ija: kuando esta de ocho mezes a su prenyes ke tome de la leche ke le sale de sus pechos i ke eche 1 pinga i un panyo de lino blanko i ke lo meta en el sol asta ke se seke el panyo i despues arremojara el panyo e lugar de la leche sin agua para azer pasar la mancha de la leche i despues ke ya se arremojo bien ke mire si keda al derredor de la mancha asenyalado en el panyo del lino preto i en medio blabko - es ijo; i si keda komo mancha amaria todo se abolta por blanko es ija (manus. Papo, Sarajevo 1840)

segula para la mujer ke se le perdio de eya la leche me-hamat de alguna hazinura o alguna koza otra, o ke no tiene leche del todo i envelunta para traer la leche a sus pechos: ke tome 15 o 20 granos de fijones i ke los muela komo arina i ke meskle kon miel i ke koma de esto 2 o 3 dias i le verna la leche a sus pechos komo aroyo i es baduk u-menuse (manus. Papo, Sarajevo 1840)

277

KOPETAS DE PECHO DE GEYNA