deklarar v.

to declare, to express his opinion, to announce, to declare; to explain, to clarify, to interpret, to shed light

deklarar gerra

להכריז מלחמה

deklarar los bienes

להצהיר על טובין

Deklarar los diritis de las nasiones (Moscona)

Antes se deklare su fuersa djigante (Gaon, Poezias)

seran deklaradas ditas maraviyas (Gaon, Poezias)

deklarar se azen asus kreedores; (Gaon, Poezias)

ke se kreeron en loke el suenyo les deklaro. (Papo, Navot)

Mentes so yo, te deklaro, el fijo d'Anhialos, el savio, (Odisea)

A la fin le deklaro tu enkomendansa de sakrifisiar su unika esperansa; (Im afes, Papo 1894)

estas komplas son alavadas por el padre de la Ley son ordenadas, por la petira son deklaradas del sinyor de Moshe (Tarika, Shira Hadasha, Izmir 1861)

Grande fue la dolor ke sintieron en Nemsia / por la matansa del eredador i de su famiya / de la chika Serbia / demandaron espiegasion / no dando satisfaksion / gerra fue deklarada / i la kapitala serba bombardada (La Amerika, 1915)

I en tiempo pasado uvo un savio ke deklaro el Shulhan Aruh en ladino, (Meam Loez Bereshit)

i es de deklarar el Arba ve-Esrim en ladino, (Meam Loez Bereshit)

Vere si es kuanto lo ke oygo por el, i le demandare ke me deklare estos tres maamare a-Zo'har, (Shivhe 'ha-Ari, 1911)

kere dezir: i meldaras a tus ijos i avlaras en eyos (kon darles a entender o deklararles), tanto ke estes en tu kaza o por la karrera o en tu echar i alevantar; (Lel Shimurim, 1819)

Ay ken deklara este pasuk por el rey i el koen gadol: (M''L Kantar de los Kantares,1899)

por esto vidi yo el menor de deklararvos el livro de las Az'harot ke meldamos kada Shavuot (Meshivat nefesh I , Const. 1743)

dize el menor kon ayuda del Dio el grande el barragan i el temerozo vos deklarare las mitsvot (Meshivat Nefesh II, Const. 1754)

I el espirito de A' paso sovre el, i desendio a Ashkelon, i irio trenta varones de eyos, i tomo sus espojos, i dio las modas de vestidos a los ke avian deklarado el enigma. (Biblia, Const. 1873)

I eya yoro delante de el los siete dias ke tuvieron el konbite; i fue ke al dia seteno, se lo deklaro, porke lo apreto; i eya deklaro el enigma a los ijos de su puevlo. (Biblia, Const. 1873)

I fue ke al dia seteno, disheron a la mujer de Shimshon: sombaye a tu marido a ke nos deklarare el enigma, no sea ke te kemamos a ti i a la kaza de tu padre kon fuego. (Biblia, Const. 1873)

I les disho: del komedor salio komida, i del fuerte salio dulsura, I no pudieron deklarar el enigma en tres dias. (Biblia, Const. 1873)

Keda de apartener a la komunidad, el ke pasa a una otra relijion i ke deklara no kerer ser mas konsiderado komo judio. (La boz de oriente, 1931)

el chiko Andre deklaro a ke famiya eyos apartenian, (Banyos de sangre, 1912)

La ermoza dama, ke deklaro ser ermana del prinsipe, akordo a su demanda por akea noche mizma (Banyos de sangre, 1912)

el governo imperial deklara de muevo ke siempre kon sus djenerozos intesiones non keria nunka ver unas semejantes piedritas (La Epoka, Sal. 1875)

despues de aver bien pensado ke esta mizura deve asolutamente seer enkaminada deklara ofisialmente ke se determino de pagar de oy endelantre metad de kada kupon en kontante (La Epoka, Sal. 1875)

yo el afirmado abasho deklaro kualmente mi moneda depozitada en la banka de sinyor Valker Parlamper, suviendo a la suma de 17 miliones de frankos me fue remetida i no tengo mas ningun dar i aver kon el (El prove doktor, Const. 1904)

embezi ke el prinsipe vizino le avia deklarado la gerra i era por mar ke el governo de Liliput iva ser atakado visto ke este no tenia una flota (Guliver, Yerush. 1912)

El deklaro ke no aviendo pudido kontentar todo el publiko ke dezeava tomar parte a esta fiesta, visto la estrechura del lokal, (La Boz de Turkiye, Istanbul 1948)

Nos ancheariamos en espasio, si kereriamos azer los elogios de kada uno de los exekutantes. limitemos nos a deklarar ke todos eyos fueron a la altor de sus rolo, (La Boz de Turkiye, Istanbul 1948)

la interogasion literalmente mostra ignoransia o duda, ma en verdad deklara la mas fuerte sierteza (La eskalera, Const. 1888)