daat (ebr.) m.

knowledge, understanding, wisdom, intelligence

en su daat (ebr.) está

טעמיו ונימוקיו עימו

todos los ke van por mar no repoza su daat asta ke salen en tierra. (Meam Loez Bereshit)

I ansi azia i iva pujando be-hohma uve-daat. (Shivhe 'ha-Ari, 1911)

i bushkando i peskuzando en su daat alkanso a saver la verdaderia komo ay Dio ke lo rije este mundo i El lo krio i afuera de El no ay mas (Meam Loez, Devarim II, Const. 1773)

asta ke nasio Avraam Avinu i enpeso en su tiempo a pensar en su daat el dia i la noche (Meam Loez, Devarim II, Const. 1773)

ya fuites zohe a tener daat para asaventarte en la ley (ve-'Hohiah Avraam, Izmir 1877)

Ma savresh ke en el tanyer i en el kantar no son todos los deot de la djente iguales ke lo ke agrada a uno no le plaze a otro (Meam Loez Ester, Izmir 1864)

vaday es ke el Sh.Yit. tomo el daat i el saver de eyos i no se fuyeron para ke se entregaran todos en mano de Yeoshua (Meam Loez Yeoshua II, Izmir 1870)

i esto es lo ke dizen el olam por una djente ke no se saven rijir kon sehel i daat ke uzan el mundo por dezir sovre estos por dezonrarlos diziendo: djente makedanos son (Meam Loez Yeoshua II, Izmir 1870)

por no ancharse muncho en su echo i su trato, ke mijor es komer pan seko kon repozo i sin rebolvimiento de su daat i miedo i pavor mas de engodrados kon saar i apreto (Pele Yoets I, Viena 1870)

resentimiento de el daat ? es 'hehreah muncho por travajo de la ley i por servimiento de el Sh.Yit. (Pele Yoets I, Viena 1870)

i estas mitsvot no se alkansan tanto kon daat komo las otras (Meshivat nefesh I , Const. 1743)

i kuando peskuzan en alguna koza ke no les alkansa su daat de eyos, vienen kuentra la Ley (Meshivat Nefesh II, Const. 1754)

i todo esto se los kavza su mengua de no konoser el ereh de su daat i se tienen por pilosofim (Meshivat Nefesh II, Const. 1754)

lo mizmo es en kozas de hohma ke el ken se rije kon daat lo primero es ke sepa el ereh de su daat (Meshivat Nefesh II, Const. 1754)

si es ke este barragan es patron de daat save su ereh i entiende ke aun ke el es muy barragan,? kon todo esto no se akomete a alevantar karga mas de su kantidad (Meshivat Nefesh II, Const. 1754)

En akea ora se le arrepozo su daat i alegrose su korason, kon entendiendo ke de los sielos le fueron zohe a el esto. (Sipure Noraot,1885)