burlarse v. refl.

to joke, to mock, to make fun of

No te burles del borracho, te viene a la kavesa

Los enemigos de Yisrael - los antisemitas - se burlan kon menospresio de este puevlo no mas ke por kavza de su relijion (Meam Loez Kantar de los kantares, Const. 1899)

I disho Delila a Shimshon: ek, tu te burlaste de mi. i me avlaste mentiras; agora te rogo ke me digas kon ke podras ser atado. (Biblia, Const. 1873)

Los lavoradores demandavan, por burlarsen, la idea de Leonidas sovre la fragua i este respondia alguna vez i no respondia munchas. (Leonidas el nadador, 1911)

Ma mozotros, ke entendemos la vida, mos burlamos de los numeros. (El Princhipiko, 2010)

Esto era Ia fraza ke todos devenian de burlarsen, sovre todo kuando lo vian kon su redingot preta, razgado en los ombros i donde las manchas venian asta los bodres de sus mangas,(Nantes, Tel Aviv 1952)

Tu burlate, vas a ver komo agora nos va apiadar el Dio. (La famoza kantadera, Tel Aviv 1950)

Huerte Haim! Diz ke la merkates dafka para burlarte de mi! (Sipure Sefarad)