buendad /buendá f.

kindness, generosity, compassion, ; innocence; favor, an act of kindness

azer buendades

לגמול חסדים

demandar buendad

לבקש טובה או עזרה

Kuando azis bundad a la djenti non asperis paga

Si non puedis azer bundat, a lu menos kita palavra buena de la boka

Ya basta le veluntad ke keris azer bundat

Mostrad loke es verdad, bushkad siempre la buendad. (8 dias antes de Pesah, 1909)

Pensad de azer buendad al desmamparado / el povre i guerfano sea bien mirado / si esta atrazado / darle la instruksion / i dezir de korason / todos somos keridos / de una madre paridos (La Amerika, 1911)

i la luna desperta de vez ke se renova en el mez novedades de el mundo i sus akontesimientos, sus buendades i sus males (Keter Malhut, Mahzor Saloniki 1876)

Despues ke termina el Todo-poderozo alavar las buendades morales i materiales ke va tener el puevlo de Israel kuando sera regmido, mostra alora su grande plazer por esto i dize: Oh, ke ermoza i ke savroza es la amor kon plazeres. (M''L Kantar de los Kantares,1899)

I ara kon ti muchas buendades i te muchiguara mas ke tus padres. (M''L Kantar de los Kantares,1899)

Se rekodra de las buendades ke le tuvo echo el Dio kuando lo izo kitar de Misrayim (Meam Loez Kantar de los kantares, Const. 1899)

La ermozura i la buendad del shir es su falsia (Meam Loez Kantar de los kantares, Const. 1899)

Es el shir prezente ke disho Shelomo 'ha-meleh kon ruah hakodesh delantre el Senyor del mundo por alavar su grandeza i rekontar las virtudes i buendades del puevlo de Yisrael i sontraer las piadades del Dio sovre el puevlo, semen de sus keridos amigos avot 'ha-olam Avraam, Yitshak i Yaakov alehem hashalom (Meam Loez Kantar de los kantares, Const. 1899)

eya no se sintia la fuersa de mantener los engajamientos tomados i no keria mas resivir las buendades de un ombre ke eya enganyava. (La dam o kamelia)

la buendad, la amistad, las karesas de la madre azen mijor efekto ke las observasiones duras i el kastigo del padre. (La boz de oriente, 1931)

es inutile dezir kuantas otras buendades pueden karrear una institusion filantropika de este djenero (La Epoka, Sal. 1875)

Estos Papazes biven para azer buendades en la vida i no achetan regalos (Gul Bahar, Tel Aviv 1953)

Mientras kinze anyos tu servites la kaza de sin. David, te izieron munchas buendades, i tu deves akodrarte de eyas.. (La famoza kantadera, Tel Aviv 1950)

Asi el Dio te de vidas largas sigun la buendad ke estas aziendo kon un ombre viejo. (Sipure Sefarad)

Estas son las dos tinajas i te rogo ke tengas la buendad de inchirmelas yenas kon dukados. (Sipure Sefarad)

le está arrogando al marido ke le embíe un poko de dinero, para pueder mantenerse i no ir a demandar buendades de la djente o de la komunidad. (Kuentos, 1986)