ayudar v.

to help, to assist, to support

el Dio ayuda a los negros!

זעקה הנשמעת כשחוזים בהצלחת רשע

mas ke me ayudes

אתה מסייע בידי ומחזק מה שחשבתי

ayudar al prove/a su djente/a su derredor/a su djidió (Nehama)

el Dio ke m'ayude! (Nehama)

el Dio ayuda a los negros! (Nehama)

Ayudate, te ayudare

Ken a otros ayuda son bendichas sus aksiones

El Dio diza : Ayudate, te ayudare ; guadrate, te guadrare

Si ayudas a los menesterozos de los sielos tienes todo bueno

Si non te puedes ayudar de ti para ti, non te puedes ayudar del todo

Si ayudas a tu padre i a tu madre te ayudan de los sielos

Kefi va el djidio - ansi le ayuda el Dio

Las manos azen i el Dio ayuda

Kuando non tienis mazal - ya ti puedes enfurkar i nada non ti va ayudar

Asukar en la boka non ayuda si tu korason es amargo

Mas vale al ke el Dio ayuda de el ke madruga

no te vo ayudar nunka en semejantes males! (Papo, Navot)

Penso dos, tres minutos, despues les dize esto: ''Sinyores, muchas grasias por vuestro lindo djesto, muy kiero ayudar yo, so buena patriota, ('Ha-Elion: Shimshon, 2003)

Van pensando mal para el djidió, perdieron el savor de el mal ke el Dio les dio; Imanuel ke vino, presto se kindió, ande va djidió ke lo ayude el Dio (Kalumnia de sangre, sig 18)

En su fuego del Goel Shabetay Nafshi kon mi puerpo i lo ke ay, ayudara Goel Tsevi Shabetay, el es malhut Tsevi Sultan Shabetay. (Donme, sig 18)

Aniyim i hasidim i ombres onestos / por podersen mantener siempre van despuestos / mizmo i por estos / devemos de kudiar / el Dio mos va ayudar / penemos kon dos manos / por nuestros ermanos (La Amerika, 1911)

Akodrate emigrado, akodrate emigrado / de lo ke prometites / por ayudar, por ayudar a tus djenitores / tu non mantuvites, ni en tino metites / lo ke aprometites (La Amerika, 1914)

I kuando aki vinites i ke lavor tuvites / muncha moneda izites / ma kualo avansates i a ken ayudates / de tanta moneda ke ganates? (La Amerika, 1914)

I ayudolos A' i los eskapo de malos i los salvo ke se avrigaron en El. (Tefilat kol Pe,1891)

I esto es tambien un doktrino para ken estava kaminando en kaminos tuertos i el Dio santo le ayudo i se repintio de su negro i torno a enkaminarse en buenos kaminos, (M''L Kantar de los Kantares,1899)

i se yama la fama de dita gerra kuando venseran a nombradia de Adoni Tsedek rey de Yerushalayim i por esto les mando a dezir: suve a mi me ayudame (Meam Loez Yeoshua II, Izmir 1870)

i el ke es patron de la huersa mos ayude en este.(Yosef de la Reina, manus. Chorlu 1893)

I tuvo sus konsejos kon Yoav, ijo de Tseruya, i kon Evyatar el saserdote; i eyos ayudaron de parte de Adoniya. (Biblia, Const. 1873)

se levanten i vos ayuden, i sean vuestro mamparo. (Biblia, Const. 1873)

Las famiyas de las dos partes, se estan ayudando de parte a parte. (Shalom, 2007)

Es preferavle si te ayudo ke te aparejes tus valijas, le dishe gravemente i eya entendio ke no la dezeo mas en mi kaza. (Luz de Israel, 1985)

Demas, agora ke tenia un ijiko, sera bueno de tener a mi lado a mi prima ke por siguro me va ayudar un poko. (Luz de Israel, 1985)

Senyores, mis keridos kolegas i amigos; son las oras nueve i sinkuenta i sinko, otros sinko minutos i... de los sielos me ayudaran o yo me ire matarme en lugar del matado. (El muerto ke esta bivo, 1912)

no es mijor ayudar ovras buenas en lugar de merkar handrajos? (El Djugeton 1917)

asentado delantre su meza kuzia kon muncha alegria, su mujer i su ijo regalado se asentavan a su lado i le ayudavan (El rey i el shastre, Yerushalayim 1903)

Kon el eskopo de ayudar a todos los destituidos sefaradim de oriente. (La Boz del Puevlo, 1918)

El korason de kada djudio deve inchirse de piadad i ayudar luego kon todo loke puede! (La Amerika, 1917)

i ya es provado de munchos anyos kuanto un djornal semejante ayuda al amejoramiento de una nasion (La Epoka, Sal. 1875)

el karrosier se azia ayudar del patron del otel para meter en lugar seguro la karrosa i los kavayos (La Epoka, Sal. 1900)

me siento bien venturada de topar en estos lugares un jentil ombre ke me ayudara pasar un poko manko tristamente el tiempo (La Epoka, Sal. 1900)

yo nadi sin kedar, sin tomar reflo, sin deskorajarme, i ayudado del viento ke me rondjava de parte de la tierra yo vide subito ke mis pies empesavan a tokar sovre la arena (Guliver, Yerush. 1912)

el no kree ke la Rusia sin ser ayudada de una potensia ajena puede abatir su kontraria (El Tiempo, Const. 1877)

se dize ke el Hedive aze ver klaramente su intension ke tiene de ayudar siempre kon toda su fuersa a su sinyor el sultan por todos los puntos de politika (El Tiempo, Const. 1877)

el no kree ke la Rusia sin ser ayudada de una potensia ajena puede abatir su kontraria (El Tiempo, Const. 1877)

se dize ke el Hedive aze ver klaramente su intension ke tiene de ayudar siempre kon toda su fuersa a su sinyor el sultan por todos los puntos de politika (El Tiempo, Const. 1877)

Yo vo pensar siempre en ti i no te vo deshar de mi memoria, es una ora mala ke kero pasar i ke kero ke me ayudes. (La famoza kantadera, Tel Aviv 1950)

Todo ke ayuda a el rasha su kavo es de kayer en su mano. (Hidot de Izopeto)

Esta vez Haskito no se ofenso porke del djugo de su tiyo se ambezo dos kozas: la primera de ser siempre piadozo i ayudar al de enfrente, i sigundo komo kon palavra dulse la persona alkansa a reinchir su dezeo. (Sipure Sefarad)

Anda a Londra, ande el Sinyor de Rotschild, i demandalde en kualo vos puede ayudar. (Kuentos, 1986)

Has veshalom vava! No se afortune. Yo i Liza ya le vamos a ayudar. (Sipure Sefarad)

Me van a ayudar! El ayudo de la pierna kevrada! I solo kon alguenga vos vo mantener la semana entera es ke? (Sipure Sefarad)

detras yamo al mamzer: taluy, rasha, tame, presto abasha i ayudale a tu madre la zona! (manus. Papo, Sarajevo 1840)