avizo m.

message, ad, in line, news; opinion; advice

tomar avizo de un fato

לרכוש ידיעה אודות מעשה כלשהו

Es k'un avizo te trusho por el retorno de tu padre, (Odisea)

i en avizos no kreo yo mas, d'onde sea ke vengan, (Odisea)

de ayi se demostra nes ke se mos izo teneldo en avizo. (Zimrat 'ha-Arets, 1745)

De vista izo eskrivir un avizo / ke la Ley inmortala se dara mezo / Moshe en una delas muntanyas / ke topara en eya buenas manyas. (Ketuba, manus. Rodosto 1931)

i muncha djente no tienen avizo de el metsiut de la parasha en ke es lo ke avla. (Meam Loez Bereshit)

ni tienen avizo de ninguna koza, (Meam Loez Bereshit)

para ke las entiendan toda la djente i tengan avizo del rijo del djudezmo, (Meam Loez Bereshit)

i por avizo de esto dize el pasuk: ''Afar min 'ha-adama''; (Meam Loez Bereshit)

I tambien para ke le sierva de avizo ke es menester el ombre azerse del bovo (Meam Loez Bereshit)

Por esto se le afirmo la maldision a Haman i sus ijos ke fueron enforkados en el madero del bet amikdash por avizo ke todo el mal les vino porke baldaron la fragua del bet amikdash (Meam Loez Ester, Izmir 1864)

I tornaron los mensajeros, i dieron avizo al rey.(Biblia, Const. 1873)

I vinieron, i yamaron al portalero de la sivdad. I les dieron avizo, diziendo: vinimos al real de los Arameos,(Biblia, Const. 1873)

I yamo a los portaleros; i dieron avizo adientro en kaza del rey.(Biblia, Const. 1873)

Venid pues agora, i entraremos, i demos avizo en kaza del rey.(Biblia, Const. 1873)

Personalmente fuimos siempre de este avizo i, siguiendo en este sentido nuestros predesesores, (La boz de Turkiye, 1948)

el se obstina a kerer abashar al salon por la sinyatura, malgrado mis espantos, malgrado los avizos del doktor (La sinyatura del kontrato, Yerushalayim 1907)

un moso le demando su nombre i fue dar avizo a la sinyorita Losirul (La dezgrasiada Luiza, Tel Aviv 1953)

Bevin ke avia pensado [...] a travarse eventualmente de la Palestina, troko aora de avizo (La Boz de Turkiye, 1947)