temblar v.

to tremble, to bother, to shudder

temblar de frío (Nehama)

temblar kon pies i manos (Moscona)

i tembla la tierra asta su ser pronta para partirse (Moscona)

Kon tembla la alsa i mira el sielo (Gaon, Poezias)

El kanez temblando mira la espada (Gaon, Poezias)

los montes temblaron komo paja seka (Gaon, Poezias)

i eya empesa temblar del espanto (Gaon, Poezias)

yo tembli, i mi sangre se enkuajo en mis venas. (Papo, Navot)

I una boz grito en el aire: ''Tembla malino! (Papo, Navot)

Ma Poseidon, el ke aze la tierra temblar, kontinua (Odisea)

Ke al oyir su nombre, temblavan de espanto mujer ansi ke ombre. ('Ha-Elion: Shimshon, 2003)

Elas! sin ti o bienfeziente blanko tanto /el mundo temblaria kon espanto / porke sin ti el segador en el verano / no kortaria espigas el presiozo grano (La Amerika, 1917)

Rayos rios i truenos / al mundo izo trublar / sea a negros komo buenos / a todos izo temblar (La Epoka, Sal. 1898)

A' oyi i me estremesi dia ke enel me vijitas / tenbli i me adoloryi dia ke en el me djuzgas / me arrebashi i me atorvi de kuanto kon tu folor me apokas (A' oyi i me estremesi, Mahzor Rosh a-Shana, Sal. 1876)

I tenblo Aleksandros de las aves, i se fue atras kamino de vente dias, (Ben Gorion, 1743)

los tres ya les demudo sus karas i ya se enpesaron a tenblar enteros i ir de aki para aki (manus. Minhat Ani, Yerushalayim 1880)

todos muestros guesos mos trava tenbla i muestro korason se dezlee i se dezaze (Tashlih, Mahzor Rosh a-Shana, Sal. 1876)

I la tierra se konmovio i temblo, los simientos de los sielos se estremesieron, se konmovieron porke A' se airo (Biblia, Const. 1873)

E quando Dios dio la ley al pueblo de Ysrael, todos los gentios del mundo tenblaron de sus truenos e de los rrelanpagos, e del sonido de su fortaleza; (Midrash aseret adibrot, manus. Sig 15)

O A' ! kuando salias de Seir, kuando pasavas del kampo de Edom, la tierra temblo, i los sielos gotearon, tambien las nuves gotearon aguas.(Biblia, Const. 1873)

el mizmo, enteniendola, les dize: Mi vista vos aze askear i temblar. (Banyos de sangre, 1912)

Los dos ermanos empesaron a temblar de asko al verlo, (Banyos de sangre, 1912)

Ma, kualo es? De ke estas temblando? (Banyos de sangre, 1912)

Maestro Bonifasio temblo entero i kon el espanto de la muerte en la kara, izo dos pasos para atras. (Banyos de sangre, 1912)

Asta la demadrugada del otro dia estuvieron temblando en oyendo la ravia del viento de el ruido de los arvoles ke kaian deskarankados. (Pavlo i Virdjinia, 1912)

La djente no respirava, todos temblavan, todos tenian el korason apretado. (Leonidas el nadador, 1911)

El degoyado avrio i serro los ojos i sus lavios temblaron, un reflo un poko longo entro i salio por los burakos de sus narizes i un ronkido ke no tenia del todo raporto kon el ronkido umano salio de su garon (El muerto ke esta bivo, 1912)

Ninguna de estas no me izo espantar ni pensar, ninguna operasion me izo temblar. (El muerto ke esta bivo, 1912)

una flama de vida alumbrava sus ojos aundados komo una flama ke tembla al mas chiko soplo (La sinyatura del kontrato, Yerushalayim 1907)

la kampana del arrivo del treno empesava a sonar i Antonio i Marta empesavan a temblar (El prove doktor, Const. 1904)

vidi todo su kuerpo temblar i sus ojos senteyar de gozo (Anna Maria, Yerushalayim 1905)

Shimon temblo, gotas de sudor kayian de su frente (El Alakran, Tel Aviv 1954)

el viento, la tempesta gritava a deredor de la kaza, aziendo sonar i temblar los djames de las ventanas (La dezgrasiada Luiza, Tel Aviv 1953)

Komo Maria ke es agora una sultana onorada - respektada, delantre la kuala tembla el emperio entero, kerera verme? eya no achetaria nunka a seguir un prezoniero, un ombre persigido (Gul Bahar, Tel Aviv 1953)

I ansina la noche entera, yo batiendo i eya temblando de sar, (Sipure Sefarad)