sudor m.

Sweat

es de mi sudor

זה פרי עבודתי ועמלי - מה שהרווחתי בזיעת אפי

sudores yeladas

זיעה קרה, פחד

traer el pan a la sudor de su frente

להשתכר לחמו בזיעת אפיו

de sentir el djemido del león, me vinieron sudores yeladas (Nehama)

kon la sudor en la frente (Moscona)

embanyado en la sudor (Moscona)

Sadikim de akel dor kuanto mal yevaron, kon penas i kon sudor muncho perkuraron (Koplas de Purim, Saadi 'Halevi. sig 19)

Toda la sudor de el ben adam es tosigo i sam amavet (Shevet musar, Const. 1740)

ke kansa i suda i se yela la sudor (ve-'Hohiah Avraam, Izmir 1877)

kon sudor de tus narizes komeras pan asta tu tornarte a la tierra, ke de eya fuiste tomado, ke polvo tu i a polvo tornaras (Biblia, Const. 1547)

El nu­evo Estado de Israel fue konsevido de sudor, de sangre i de la­grimas. (La boz de Turkiye, 1948)

Bonifasio alimpiava las godras gotas de sudor ke korian de su frente. (Banyos de sangre, 1912)

Delantre de estas figuras, de todos los mas kapaches medikos de las Karakas, delantre de la figura demudada del doktor Seballos, yo tuve una espesia de frio entre kuero i gueso, i una sudor yelada empeso a korrer de mi frente. (El muerto ke esta bivo, 1912)

Los otros se kitavan unas rizas de la faldukera ke paresian unos handrajos i se enshugavan las sudores. (el Rizón, Salon. 1939)

Ya basta! Esto es eskandalozo! La moneda ke el ''Sephardic relief committee'' tomo fue dada por el puevlo ke gana su pan a la sudor de su frente. (La Boz del Puevlo, 1918)

sinyor Valker salia de la kaza del baron Rishard kon un aire triste, una sudor yelada korria de su frente, sus ojoos eran kolorados i kon sus manos azia munchos djestos (El prove doktor, Const. 1904)

Shimon temblo, gotas de sudor kayian de su frente (El Alakran, Tel Aviv 1954)

el puede ganar su pan ala sudor de su frente (La Epoka, Sal. 1900)

al ver la sudor ke kaiya del kuerpo de los kavayos i la kanseria en la kuala eyos mostravan ser entendian presto ke estas karosas venian apenas de arrivar (Manon Lescaut, Yeru. 1906)

segula para fayar grasia en ojos de su marido: ke tomen de la sudor ke debasho de los sovakos ke le mete entre los ombros de su marido (manus. Papo, Sarajevo 1840)

Segula si le entro algun modo de sierpe dientro de el kuerpo de el onbre o ke se le konkrio ayi: ke tome sudor de kavayo blanko i ke meskle kon aguas de rozas i ke le den a bever ansi ke aga kuantas vezes i aprovechara (manus. Papo, Sarajevo 1840)

Segula para traer sudor al hazino: ke le frege la tripa kon yedjma kuzinada bien buyida (manus. Papo, Sarajevo 1840)

Segula para traer sudor al hazino: ke tome ajos i sal molido i azeite de oliva i ke lo meskle todo i ke lo buya, en lo ke esta kayente ke le unte las plantas de los pies i la kara i los brasos i ke se eche i ke lo kovijen bien sudara (manus. Papo, Sarajevo 1840)