asigurar v.

to insure, to confirm, to assure, to give warranty, to give guarantees; to serve (to give service to)

Yorando noche i dia, yamando siempre madre mia, mos fue dicho i asigurado ke en el fuego fueron kemados (En los kampos de la muerte, Violet i Sara Fintz, 1945)

Asigurar nos asiguro el varon (Biblia, Const. 1873)

el governo non asigurara sus devdas kon veras i rezias garansias, es seguro ke los posesores de ovligasiones pedreran a la fin todo el kapital (La Epoka, Sal. 1875)

Apenas este amigo se va, Nermin entra a la klinika del Dr. Selim su viejo amigo. Eya yora i esklama amargamente en los brasos de su primer amor, le asigura, en terminos muy tristes, ke es por salvar la rnala situasion de su padre, ke eya se duvo inklinar. (La Boz de Turkiye, Istanbul 1948)

Despues de un sierto tiempo un amigo, avokato, viene vijitarlo por konsolarlo i konsejarlo de no kontinuar en su melankolia kauzada por este insidente desgustante, asigurandole ke este fakto no implika para el ninguna responsabilidad. (La Boz de Turkiye, Istanbul 1948)

eya le asigura ke eya lo ama, ke eya no se olvido ni un momento de su amistad i se echa en los brasos de su amigo kon yoros i lagrimas. (La Boz de Turkiye, Istanbul 1948)

perseverando en sus esfuersos de asigurar a las populasiones de su imperio el bienestar moral i material su maestad el sultan ordeno este anyo la aplikasion de nuevas i importantes reformas en la administrasion del pais i ke no tardaran a dar rezultados muy salutarios (El Tiempo, Const. 1896)

El patrón los asiguro ke komo mandradji ke era, ya se le topa de komer i por el dormir ke piedran kudiado, porke ya tiene bastante de kuviertas. (Sipure Sefarad)