solamente adv.

Only, but, only

Todo tiene kavo solamente una mujer

Alla solamente es Dio eternelo (Gaon, Poezias)

ser tu solamente sos mi kompaniera. (Gaon, Poezias)

ma yo yoro solamente ke por mi son muy vazios. (Gaon, Poezias)

sino solamente la espesa nuve (Gaon, Poezias)

Solamente kon una era bastante azer matar de una mas de almas vente (Zimrat 'ha-Arets, 1745)

sola mente para saver si es ke tenian enemistad kon el, (Meam Loez Bereshit)

Esto no esta dekolgado en tener muncho dinero, solamente en ser patron de buen korason (Meam Loez Bereshit)

no se puede eskrivir solamente kon tinta (Meam Loez Bereshit)

Es solamente unos doktrinos morales ke van a tener menester los kapos del puevlo enbezar a sus fideles, ma no la baza de la emuna segun era antes, (M''L Kantar de los Kantares,1899)

No komo es aora, ke ay muchos en el puevlo ke, sea por sus negras ideas, sea por no kerer resivir el yugo dela ley, dizen ke la ley del Dio es solamente la tora shebihtav (loke eskrive en el Sefer Tora), ma la tora shebealpe es pujita delos savios, (M''L Kantar de los Kantares,1899)

todo el ke lee tan solamente es tanto komo ke no tuviese Dio, sino es menester djunto kon el leer afirmar las mitsvot i azer mersed i plazer a la djente (Hovot 'ha-Levavot, Const. 1569)

No se permete ningun savio de kompozer semejantes poezias ke solamente por un eskopo muy importante (Meam Loez Kantar de los kantares, Const. 1899)

solamente, no vo pasar sin avlarvos sovre un shapitro de nuestro programa (manus. Vitali Varon, Const. 1948)

Ma Hana eya avlava en su korason, solamente se movian sus lavios i no se oiya su boz (Biblia, 1873)

Ribi Tarfon dizien non ensenderan salvo kon azeite de oliva solamente. (Mishna: Tefilat kol Pe 1874)

solamente en akel dia rodearon la sivdad siete vezes (Biblia, Const. 1873)

solamente la plata i el oro i los atuendos de alambre i de fierro metieron en la kaza de A'. (Biblia, Const. 1873)

non eran deshantes sovre eyos sinon los saraguelos tan solamente ([Mishnayot], Seder Maamadot, Viena 1821)

solamente vi esto ayi, ke izo el Dio a el ombre derecho, i eyos bushkan pensamientos munchos (Biblia, Viena 1841)

I le respondieron, diziendo: no; solamente atar te ataremos, i te entregamos en su mano, ma matar no te mataremos. (Biblia, Const. 1873)

Solamen­te, la djovena dukesa ya se topava al tresero grado de la hazinura de la tekia (La dam o kamelia)

la kuala tenia no solamente la mizma hazinura, ma tambi?n kaji la mizma fizionomiade Margerita, (La dam o kamelia)

era trublada solamente por las vijitas regolaras del duke. (La dam o kamelia)

Es una rekompensia rekonfor­tante, no solamente para los djudi­os, pero tambien para todos los ombres de korason (La boz de Turkiye, 1948)

por nuestros korelijionarios i por nuestros kompatriotas solamente. (La boz de Turkiye, 1948)

Solamente, el non era umilde komo su padre, siendo el non avia sufrido en su chikes, (Vaye de los yoros, 1935)

Emperia organizo su fiesta en el entervalo de tres dias solamente. (Rolando i Eleonora, 1953)

Solamente un gato de shara, ke lo topi ke estava asentado en una de las kashas, (Asolado en la izla, 1881)

Solamente te digo ke yo vengo de enkomendar una nueva i mas grande nave, ke sera pronta despues de tres mezes. (Leonidas el nadador, 1911)

Ma demandan: ''Ke edad tiene? Kuantos ermanos? Kuanto peza? Kuanto gana su padre?'' Solamente ansi kreen konoserle. (El Princhipiko, 2010)

Es muy difisil, a mi edad, tornar a pintar, kuando solamente mis unikas provas fueron de pintar una boa serrada i una boa avierta a la edad de sesh anyos! (El Princhipiko, 2010)

tenesh muncha razon, respondio el fabrikante, solamente, por la ropa vuestra no ay demandador (El Djugeton 1917)

Solamente a los ermenis les deve ser asegurada sus vieja patria i por los djudios no avla nada (La Amerika, 1917)

le demandaron por eshemplo kuantas vezes la kuenta 356 se topa en la kuenta 4,568,894. sin pensar longo tiempo solamente en dando unas kuantas solansas el respondio 12831 mas 58 (El Tiempo, 1896)

No se trata de un aspekto tekniko solamente, sino ke de una kestion kulturala muy importante?!. (Aki Yerushalayim, 2019)

solamente ek, ayi un joven ? ke puede darvos renseniamientos ? sovre la kavza de su desgrasia (Manon Lescaut, Yeru. 1906)