sentimiento m.

Emotion, feeling, sensation, natural tendency

no tiene sentimiento de djudio (Moscona)

Si el sentimiento esto lo reeva (Gaon, Poezias)

Oh! Ek un dia grande! Ek un dia onde todos los sentimientos de mi manseves se despiertan... (Rinio, 1906)

De sakrifiarme por mi puevlo kon sentimiento nasionalismo. (La segunda Ester, 1911)

ke los dos estavan atados por los mizmos sentimientos. (La dam o kamelia)

Sr. Mac Donald, el kapo del Partido del Travajo ke arrivo al poder, es konosido por profesar sentimientos benevolentes al eguardo de los djudios. (El Tiempo, 1924)

El rey ke konosia la piedad (hasidud) de Cerfber, i ke savia ke el tenia un profondo patriotismo i altos sentimientos, (La boz de oriente, 1931)

A mezura ke Emperia mirava a su ija, un sentimiento estranyo nasia en su korason. (Rolando i Eleonora, 1953)

Aki los djudios biven komo si estuvieran en Palestina liberos i repozados i manifestan todos sus sentimientos djudios en siendo en mizmo tiempo buenos suditos amerikanos (La Amerika 1910)

El sionizmo kere ke los djudios del mundo en lugar ke enrikesan las tierras del kristianizmo, ke sea enrikesido el puevlo otomano onde el sentimiento de relijion non es del karakter del kristianizmo (La Amerika 1910)

Este grande movimiento ke izo el progreso en nuestra nasion kriando el sentimiento nasional djudeo en el mundo entero rebiviendo nuestra antigua lengua ebrea ets. (La Amerika 1910)

Era el sintimiento muy limpyo de una intelijensa de una veluntad ke no estando en su lugar, keriya suvir, suvir vagarozamente sus plasa. (Nantes, Tel Aviv 1952)

los sentimientos no se razonan eyos se sienten i se engrandesen sin kererlo (Anna Maria, Yerushalayim 1905)

yo konosko bastante los sentimientos de Ruben a mi iguardo para todo imaginar (La dezgrasiada Luiza, Tel Aviv 1953)

los verdaderos sentimientos del Hedive son en favor del governo otomano i kontra la Rusia (El Tiempo, Const. 1877)

tal es el sentimiento edjisiano tokante a la kestion de la gerra (El Tiempo, Const. 1877)

solo para el sentimiento umano no fue aplikado ainda este progreso fabulozo (Herzl, El estado djidio, Sal. 1931)

El ke melda la traduksion al ladino ke trushimos mas ariva no puede liberarse del sintimiento ke nos topamos frente a una lengua avlada ke esta aziendo sus primeros pasos komo lengua eskrita, kuando esta lengua tiene un pasado de mas de 500 anyos de kreasion literaria. (Aki Yerushalayim, 2019)

Es su instruksion es parfekta, eya es muy noble, ermoza, delikada, onesta i es inspirada de muy nobles sentimientos (La Ermoza Alis, Tel Aviv 1954)

El Sinyor de Rotschild, viendo ke el ombre era seriozo, dinyitozo i de sintimientos onestos, achetó de ayudarlo. (Kuentos, 1986)