selebrar v.

Celebrate, note

selebrar la fiesta de Pesah (Moscona)

Pero desgrasiadamente, en el fuego i en la sangre ke selebran este grande evenemento nasional. (La boz de Turkiye, 1948)

Lunes proksimo la komunidad de Israel selebra el primer dia del anyo, Rosh Ashana 5708, (La boz de Turkiye, 1948)

porke kreemos ke es la mijor manera de komemorar la memoria de un defonto o de selebrar un evenemento de famiya. (La boz de oriente, 1931)

Kon mi ija Rahel mos konsensiamos de la emportansia de estas djornadas selebradas en Espanya por Yom-'Ha Shoa, endjuntos a la mueva Casa Sefarad-Israel, ke son enshemplos de valutozos trokamientos en la sosiedad espanyola. (Los Muestros, 2007)

la boda sera selebrada a la manyana i konsakrada en la iglisia de Santo Augustino (La sinyatura del kontrato, Yerushalayim 1907)

entusiasmadas de admirasion i esmovidas de agradesimiento, las populasiones del imperio otomao tienen dunkuey muncha razon de selebrar este anyo kon mas grande briyo el dichozo aniversario del nasimiento de sus bien amado soverano i de rogar kon fervor al todo potente de konservar longo tiempo sus dias presiozos (El Tiempo, Const. 1896)