segulá (ebr.) (pl. segulót) f.

A spell (against the evil eye, illness, etc.)

ke ansi meldar en su livro i intentarlo le sera segula grande (ve-'Hohiah Avraam, Izmir 1877)

Por kavza ke en el bever kon kelim de oro ay segula buena para alegrar el korason i kitar las ansias [...] i es milizina buena para ken tiene holi de tikia (Meam Loez Ester, Izmir 1864)

Ribi Menahem inyora en la existensia de los shedim , i no se kree en segulot o en la enfluensa de las estreyas ensima la persona (El gid, Istanbul 1967)

segula kuando vee kriatura ke rie durmiendo: ke le de kon el dedo en la boka i kon esto le balda la Lilit de la kriaturs (manus. Papo, Sarajevo 1840)

segula para detener el dam nidot: ke se ensangre al prisipio en la mano i despues en el pie i non la buelta (manus. Papo, Sarajevo 1840)

segula para ke no entre haya raa en kaza: eskriva en la pared nombre de Adam i Hava (manus. Papo, Sarajevo 1840)

segula para la mujer ke se le murio la kriatura en la tripa: ke la safumeen kon soa de hamor dos o tres vezes i lo echara (manus. Papo, Sarajevo 1840)

Segula si le entro en la oreja pulga ke enkashe kaveyo de perro (manus. Papo, Sarajevo 1840)

Segula i kabala el kere ir del kuerpo i non puede ir: ke se alevante i se asente asta munchas vezes i provechara (manus. Papo, Sarajevo 1840)

Sekana ken vee koza de komida harif i non kome i su segula es ke toda la eskupina ke le tiene a la boka en akeya ora ke la eskupa i ke no la engluta (manus. Papo, Sarajevo 1840)

segula para la mujer ke se le perdio de eya la leche me-hamat de alguna hazinura o alguna koza otra, o ke no tiene leche del todo i envelunta para traer la leche a sus pechos: ke tome 15 o 20 granos de fijones i ke los muela komo arina i ke meskle kon miel i ke koma de esto 2 o 3 dias i le verna la leche a sus pechos komo aroyo i es baduk u-menuse (manus. Papo, Sarajevo 1840)

[segula para la mujer ke pera fijo]: ke tome un pedaso de ombligo del ijo behor i ke lo keme i ke lo muela i ke le de a la mujer a bever kon agua o kon vino en dia de la tevila i non parira ijas (manus. Papo, Sarajevo 1840)

para dolor de kavesa: se enkolgara de kaveo de onbre sovre el i pasara la dolor de kavesa kon segula (manus. Papo, Sarajevo 1840)