savio m.

Wise, learned, knowledgeable, learned

muestros savios

חכמינו, חז''ל

es­pántate de savio fijo de amaares, de riko fijo de prove (Nehama)

kieres matar a un savio, métele un loko al lado (Nehama)

no es savio el ke para si no save (Nehama)

el savio se aira de lo ke vee, el loko de lo ke pensa (Moscona)

Ken es el savio el ke ve lo ke va akonteser

Kien sale el mas savio? El ke non avla muncho

Lokos penan, savios si lo gozan

El savio muda konsejo, el nesio sienpre dize ''no''

No ay savio mas del ke lo pasa

Ni el savio kon su saveduria

El baragan se konose en ora de gerra, el savio en ora de ravia

Azno kayado, por savio kontado

Un loko demanda lo ke siete savios no responden

Kuando te asentas delantre de savios ten tino i no avres presto los lavios

Aunke seas savio i viejo nunka desdenyes el buen konsejo

El loko la echa, el savio la yeva

Los ke kaminan kon savios son bastante mazalozos

Keres matar al savio metele un bovo al lado

Mas save el nesio en su almena, ke el savio en kaza ajena

ke el Eterno entregara en tus manos savias. (Papo, Navot)

Mentes so yo, te deklaro, el fijo d'Anhialos, el savio, (Odisea)

El es un ombre savio, bueno i onesto (La segunda Ester, 1911)

Ke nuestros veros savios pronunsiaron kon sus lavios: (8 dias antes de Pesah, 1909)

Respuesta non le davan savios nin estreyeros. (Poema de Yosef)

Yamo a el su savio, i lo konsejara ke para otro anyo se aparejara, (Zimrat 'ha-Arets, 1745)

Shabat devemos guadrar kon grande kudiado / si tadra la rehmision es de este pekado / mismo el ke es forsado / deve repozar / el djudesmo bien guadrar / al savio oyeremos / todo bueno alkansaremos (La Amerika, 1911)

Kavod a ribi Nahum devemos de darle / todo va enderechar kale ayudarle / el Dio va pagarle / a este buen pastor / del povre es amator / del Dio fue eskojido / este savio i entendido (La Amerika, 1911)

tu sos aunado i en sekreto de tu aunamiento los savios de sezo se maraviyan ke no alkansan a saver ke es (Keter Malhut, Mahzor Saloniki 1876)

tu sos savio i la sensia manadero de vidas ke de ti manan i en tu sensia se aze todo modo de antiguo i la sensia fue de ti kriada (Keter Malhut, Mahzor Saloniki 1876)

Avlo el rey kon los savios de enfrente; Disho: miradle su juizio, i echadle suerte. (sova semahot, Livorno 1782)

lo dotrinavan los savios i lo sovreforsavan asta ke lo azian kazar. (Meam Loez Bereshit)

kual ombre se puede yamar savio? (Meam Loez Bereshit)

si keres gozar tu mundo, manda a trayer unos kuantos savios de los djudios de Yerushalayim (Meam Loez Bereshit)

siendo vian los savios ke la Ley se iva enkaresiendo, (Meam Loez Bereshit)

ke kontradisheron los savios en ke tiempo fue la kriyansa del mundo, (Meam Loez Bereshit)

I avizan los savios ke Adam 'ha-rishon era muy grande, (Meam Loez Bereshit)

I en tiempo pasado uvo un savio ke deklaro el Shulhan Aruh en ladino, (Meam Loez Bereshit)

ke era muy savio i entendido, ke alkanso a saver de todo lo ke ay en los sielos i la tierra (Meam Loez Bereshit)

I dize la Gemara ke le demandaron a un savio ke koza le kavzo de alargar sus dias. (Meam Loez Bereshit)

I savios de Paras sauman kon el a sus idolos. (Ben Gorion, 1743)

A este lavoro se maraviavan todos los grandes savios de la ley. (El Gid,1967)

No komo es aora, ke ay muchos en el puevlo ke, sea por sus negras ideas, sea por no kerer resivir el yugo dela ley, dizen ke la ley del Dio es solamente la tora shebihtav (loke eskrive en el Sefer Tora), ma la tora shebealpe es pujita delos savios, (M''L Kantar de los Kantares,1899)

i los savios ke entre eyos les davan odren i les dizian de este modo aze i de este modo no agash i kon esto tenesh azlaha en lo ke metesh mano I se muchiguan guestras aziendas (Meam Loez, Devarim II, Const. 1773)

i antes ke amanesio el dia mando a yamar a todos sus savios i les konto el esfuenyo i los komando ke le disheran la soltura (Meam Loez Shemot I)

non komo las mujeres las mitsriyot son las djudias, ke siendo son savias i entendidas komo si fueran komadres (Meam Loez Shemot I)

el Sh.Yit. da sensia a los savios i saver a los savientes entendimiento (Hovot 'ha-Levavot, Const. 1569)

De esta sorte de poezia son los shirim de nuestros ilustres savios despues del kativerio (Meam Loez Kantar de los kantares, Const. 1899)

I es ke ya es savido ke Shelomo 'ha-meleh, kompozitor de este shir, era una persona muy savio i muy kumplido (Meam Loez Kantar de los kantares, Const. 1899)

I avia en el palasio de Belshatsar un sinklavo de los viejos [...] ke era muy savio i onrado i penso en su korason diziendo ke seguro todo lo ke avla Daniel es muy sierto (Meam Loez Ester, Izmir 1864)

i dito rey de Yerushalayim siendo era savio i entendido no se atrivo por pelear kon los givonim, el kon su fonsado (Meam Loez Yeoshua II, Izmir 1870)

kuando el emperador romano Titus bloko Yerushalayim por destruirla bivia el grande savio raban Yohanan ben Zakay, este savio de grande valor vido ke todo era pedrido (manus. Vitali Varon, Const. 1948)

en veer ke kuando se razonavan kon nuestros savios en alguna hakira no savian ke responderles (Meshivat Nefesh II, Const. 1754)

i azen burlas de palavras de rabotenu los savios kunplidos en kuanto modo de sensia (Meshivat Nefesh II, Const. 1754)

i kuantos savios grandes de umot 'ha-olam alavavan i aformoziguavan al Sh.Yit. ke krio tal djente kunplida de daat (Meshivat Nefesh II, Const. 1754)

lo ke kijeron dizir los savios no es lo ke amostra el ladino de akeyas palavras (Meshivat Nefesh II, Const. 1754)

El testimonio de H' es fiel, ke aze savio el torpe. (Biblia, Const. 1873)

sea tu kaza, kaza aparejada para los savios, (Pirke avot, siglo XV)

Hijo sabio haze alegrar padre, e hijo loco ansia de su madre. (Biblia de Ferrara, 1553)

Se yama savio kien aprende de kualkier persona (Tefilat Imanuel, 1924)

I savios son matirin em todos los azeites, kon azeite djondjoli, kon azeite de muezes, kon azeite de navos. (Mishna: Tefilat kol Pe 1874)

E dixeron los sabios que crio el Señor Dios sobre la tierra el ҫielo alunbrante, (Midrash aseret adibrot, manus. Sig 15)

i izieron todo savio de korason en azientes la ovra a el tavernaglo de Dio (Biblia, Const. 1547)

i toda mujer savia de korason kon sus manos ilavan i trusheron ilado a el kardeno i a el aljaguán a el tinto vermejo i al lino (Biblia, Const. 1547)

i tu avlaras a todos los savios de korason, los kuales yo inchi de espirito de saviduria ke agan los vestidos de Aaron para santifikarlo (Biblia, Const. 1873)

porke el sovreforso aze enlokeser savio, i depierde a korason la dadiva (Biblia, Viena 1841)

la sensia enfortese a el savio mas ke munchos podestadores ke fueron en la sivdad (Biblia, Viena 1841)

korason de savios en kaza de limunio, i korason de lokos en kaza de alegria (Biblia, Viena 1841)

Las savias de sus senyoras le respondian, i aun eya se respondia a si mizma: no akansaron? no espartieron el espojo? (Biblia, Const. 1873)

Ansi pagas a A'? puevlo vil i no savio (Biblia, Const. 1873)

Kien diese ke fueron savios, ke entendieran esto, ke pararan mientes a su postrimeria! (Biblia, Const. 1873)

i el moso savio muncho i entendido en sensia de echizo (Sefer 'ha-yashar, manus. sig. 17)

Esto es agora el mundo. Ansi estan kaminando las deskuviertas, i los estudios de los savios nos rezervan ainda maravias ke no nos pasamos ni por la idea. (El muerto ke esta bivo, 1912)

Disho sovre su korason: ''Puede seer ke se tope mujer savia komo esta en el mundo?''. (Sipure Noraot,1885)

Es ansi, ke munchas vezes se entretenia kon sus savios i les pozava kestiones sovre diferentes kestiones de la vida, de la nature i la sensia. (Sipure Sefarad)