rezultado m.

la hazinura, endurmesida, ma no vensida, kontinuava a darle los dezeos k son siempre los rezultados de las viejas afeksiones. (La dam o kamelia)

El rezultado de las eleksiones lejislativas no trusho ningun kambiamiento en el numero de los deputadosd djudios en el Parla­mento. (El Tiempo, 1924)

Lusi de su parte, tomava plazer i esperava el resultado de este djugo de ''agua yelada''. (Luz de Israel, 1985)

yo se kuanto la vida vos fue sido dura fin agora, i kon ke koraje vos aviash penado por topar una situasion i kual es oy el rezultado triste de tantos esforsos... (Nantes, Tel Aviv 1952)

de esta manera ya se entiende komo estan kon grande despasensia por saver ke va ser el rezultado de la konferensia i esperan ke en aleshando el perikolo de gerra kedaran los aprontamientos de armas (El Tiempo, Const. 1877)

perseverando en sus esfuersos de asigurar a las populasiones de su imperio el bienestar moral i material su maestad el sultan ordeno este anyo la aplikasion de nuevas i importantes reformas en la administrasion del pais i ke no tardaran a dar rezultados muy salutarios (El Tiempo, Const. 1896)

Los rezultados no tadraron i esta fue la razón ke izo mandar vente pashas por ke tomen muestra komo deven de governar kuando serán nominados por valis. (Sipure Sefarad)