restar/restarse (fr.) v./. refl.

Kuando mas resta la pera en el peral, mas espera su buen mazal

El mal karakter de kada ombre resta en su orguyo i nombre

si ainda restas ayi de sus parte (Gaon, Poezias)

Ayi el kadavre resta sin enterro (Gaon, Poezias)

supito resta parado al sentir de leshos sones. (Gaon, Poezias)

Bruklof la judia trankuela resta (Gaon, Poezias)

malgrado de todos resta enkuvierto. (Gaon, Poezias)

Ke ivan a seer kavzantes de non restar un djidio ni en Kushan. (La segunda Ester, 1911)

Tornadvos atras, andjeles de mi fonsado!, este zehut restara para Tsiyon guadrado: (Puertas de veluntad)

Ke endesparte ke el trigo resta bien guardado i limpio, sin mesklita de ninguna koza, tiene de mas su buen guezmo de el vayado delas rozas: (M''L Kantar de los Kantares,1899)

se tiro de mi la kayentura i tornaron todas mis fuersas en mi lugar, afuera de la vista ke me kedo aharvada, ke restaron mis ojos eskuros fin de siete dias (Shivhe Hayim Vital, Sal. 1892)

Una manyana, el duke, restado a Banyer, komo se resta en un lugar ande se topa enterrado un pedaso de korason, (La dam o kamelia)

eya resto al estado endemiko (permanente). (El Tiempo, 1924)

Todo ayudo mankava a los korajozos restados i munchos morian de ambre. (Leonidas el nadador, 1911)

Otros mos responden para kualo mos prime meldar esta lengua espanyola de la kuala mos keremos olvidar a kavza de su mala istoria de inkvizision en espanya. A nuestra demanda si konosen el ebreo komo djudios se restan kayados (La Amerika 1910)

Su orgolio restava en pies. Ser una fuersa de intelijensa, sintirse en si una potensia, i no topar una persona ke vos entienda ke estash sin komer, ke vos de el primo soldo ke vos tenesh menester. (Nantes, Tel Aviv 1952)

Todo en no komiendo kaje nada, non le restava ke 20 frankos, i fue kon estos 20 frankos ke el era ovligado de bivir mez entero, non komiendo ke pan seko (Nantes, Tel Aviv 1952)

De las 70 mil personas ke restaron sin moradas los 60 mil son djudios ke restaron sin bienes i moradas, deznudos sin ningun remedio de existensia (La Amerika, 1917)

Enfrente de ansi una temeroza katastrofa restaran nuestros djudios indiferentes? (La Amerika, 1917)

dezde tanto tiempo las ventanas avian restado serradas! (La sinyatura del kontrato, Yerushalayim 1907)

el automno paso ma nozotros restimos en Marn asta el mez de djenayo (Anna Maria, Yerushalayim 1905)

este problema linguistiko resta en el kuadro leal de una kontroversia entre dos personas [...] (La Boz de Turkiye, 1947)

si vas a merkar una merkansia i keres saver si vas a ganar uno az heshbon el nombre de el merkader kuanto enporta i krese otros 13 mas i va sakando todo a dos a dos, si kedo uno, merka, i si resta dos no merkes, ke no ganaras (manus. Papo, Sarajevo 1840)