remarkar (fr.) v.

azer remarkar (fr.)

להצביע על, להביא לתשומת לב

O, esto ya lo remarki yo de oy demanyana. (Papo, Navot)

remarkad bien estos puntos pretos, ayi esta konchentrada toda la artileria alemana (El Triomfo de la Djustisia, Sal 1921)

oy remarkamos munchos ijikos ke meldan korrektamente el ebreo, entienden lo ke meldan i mizmo avlan el ebreo (manus. Vitali Varon, Const. 1948)

eya entornado de pligas tan kapachemente aranjadas ke el ojo del mas difisil ombre no topava nada a remarkar, (La dam o kamelia)

los ke uzavan a yir al teatro i los amigos de Margerita avian remarkado komo mi. (La dam o kamelia)

Kada uno i uno remarko kon abatimiento ke sus guertos i sus sembrados venian de ser enteramente destruidos mientres la noche. (Pavlo i Virdjinia, 1912)

Dizde su retorno eya remarkava kon amargura ke su madre se aleshava de eya, la vijitava de manko en manko. (Rolando i Eleonora, 1953)

En akeos tiempos empesaron a remarkar un grego vestido de una kamiza i un pantalon viejo korto pasearse deskalso kada dia por el bodre de la mar en Marsella. (Leonidas el nadador, 1911)

vide un solo lecho i sovre la una almada remarki bien las letras R.G. (El prove doktor, Const. 1904)

Se tratava de aferrar esta okazion por azerse remarkar, por azer avlar de el, por ganarse una nombradia (Mujer kriminala, Tel Aviv 1954)

izo remarkar ke komprenden elementos de una grande valor para Estados Unidos (La Boz de Turkiye, 1947)

desde la advenimiento al trono de su maestad el kzar Nikola II kreen remarkar onde los ministros i los altos fonksionarios del estado un kambiamiento de dispozisiones muy favoravle a los djidios (El Tiempo, Const. 1896)

No fue ke el 31 de disiembre de akel mesmo anyo, ke la iglesia protestante, en aziendo su bilanso anual, i en aziendo la revizion de sus suditos remarko ke uno de sus suditos le mankava. (El Djugeton, Const. 1908)

El mas chiko movimiento o djesto ke se aze sin kererse sovre la figura de alguno, todo es remarkado por eyos, todo es tomado de nota en sus meoyos (Matador de kriaturas, Yerush. 1908)

devista ke lo vean remarkavan en el un aire de distinksion, un ijo de una grande famiya i de buena edukasion (Manon Lescaut, Yeru. 1906)

alado de la vista temeroza ke eya inspirava, remarkavan ke eya era ermoza (Muerta de mala muerte, Yerush. 1911)

entre esta djente partikularmente se azia remarkar Mamo el shashuto, ke se avia espesializado en echos ''angro''. (Sipure Sefarad)

Dos de los valis respondieron ke no tienen remarkado koza semejante. (Sipure Sefarad)

si tienen remarkado en el komporto del vali algo de spesial kuando governava i dava sus ordenes. (Sipure Sefarad)