realidad/realitá f.

Entre la posibilidad i la realidad puedes examinar el kamino de la verdad

Invierno, sezon indjustamente aborresida / sos mi amiga, porke debasho tu kara palida / ay ermozuras komo las ke en suenyo pasan / figuras, vistas, tanto lindas ke plasan la realidad / ma son mas puras ke la verdad (La Amerika, 1917)

Media durmida, entre esfuenyo y realidad, demando Sarina: I los gameyos Djoha, los gameyos onde estan? (Otniel Hodja, 2002)

De algunos jornales djudios de Turkia se remarka kuanto el movimiento sionisto les parese ser danyozo lo kualo es londje de la realidad (La Amerika 1910)

los materiales por la fragua ke yo projeto existen en la realidad i se pueden apalpar kon las manos, kada uno se puede konvenser de esto (Herzl, El estado djidio, Sal. 1931)

en momentos kom'a estos a Mordu se le apretava el korason pensando komo azer para enreziar un poko esta kazika kedada del tiempo del turko, i en realidad tres tantos mas vieja de el mizmo... (Sipure Sefarad)