ravia f.

bramear de ravia

לשאוג מרוב כעס

echar la ravia kon uno

לעשות מישהו קרבן לכעסו

estar en ravia

לכעוס

estar enriva de ravia

להיות נשלט ביד הכעס מבלי לשית לבו לתוצאות

kitarlo a ravia

להגיב בכעס כשאין רואים דרך להחלץ ממעשה שקשה להצדיקו

kon ravia

בכעס

no es ravias de poko ke se tomo (Moscona)

en tres kozas se konose el ombre: en la ora de su ravia, kuando beve vino i en su bolsa (Moscona)

En ora de tu ravia ten pasensia

Ken es el baragan el ke aze pasensia en la ora de su ravia

Espantate de la ravia es tosigo en la alma

Ravia en los nesios es topada

Si, es la ravia, el despecho i la verguensa (Papo, Navot)

Fin estonses, El tiene ke mostrar todas sus ravias. (Papo, Navot)

Mashki mi ravia kon mis dientes? La deshi amatar (Papo, Navot)

I ara konvenser al rey de baldar su ravia fuerte (La segunda Ester, 1911)

el vero repentimiento kalmara la ravia del Kreador / i solo apaziguara su djusta rigor / avrid avrid los ojos i deshadvos giar / todos los ke a los otros djuzgesh sin pensar (Rekolyo de Poezias Diversas, Tel Aviv 1931)

O Dio guadrame del ipokrita / komo akel animal ke non grita / ma kon kalmo mostra su maldad / en mudriendo kon ravia i krueldad (Rekolyo de Poezias Diversas, Tel Aviv 1931)

'ke lo kemen kon gran ravia, siendo ke lo desmintio.'' (Toledo, Koplas de Yosef)

Grande ravia siento por tu amor rey porke no guardan tu ley no keren tu onra sino tu desonra (Purim, De-Fes, sig. 18)

I kon muncha ravia komando ke se lo trusheran delantre. (Meam Loez Bereshit)

Kuando avrio el rey la kasha i vido ke era yena de tierra, resivio muncha ravia (Meam Loez Bereshit)

Por esto kada ombre podeste en si i se akavide muncho de la ravia (Shevet musar, Const. 1740)

i mozotros kedaremos afuera afuera vazios de todo lo bueno ke de la ravia de esto ke le izimos a Yosef no mos podra ver mas en kara (Tokpo shel Yosef, Yerush. 1887)

kuando lo dize kon ravia i kon azpanut, kuando le enkomendamos ke aga algun servisio mos responde: de ke me komandash a mi (Tokpo shel Yosef, Yerush. 1887)

porke mozotros siendo ijos de la sinyora puede ser ke no terna korason muestro padre de alesharmos, ama a vozotros sierto ke echa la ravia (Tokpo shel Yosef, Yerush. 1887)

el mishne ke estava kon ravia grande el se arrepintio i les disho: kitaldo al djidio ke es mentira el echo (manus. Minhat Ani, Yerushalayim 1880)

Mijor ke ek barragan es kien tiene pasensia i kien domina su ravia (Tefilat Imanuel, 1924)

No bushkes de kalmar a tu proksimo en el momento de su ravia (Tefilat Imanuel, 1924)

Este ombre ke keres krear tuyo es i el es korto de dias i arto de ravia i viene a pekar (P. R. Eliezer,1876)

Sin esmoverse del todo de la ravia del guardian ni de las observasiones del sambelan ke no devia deshar asperar al rey, (La boz de oriente, 1931)

Asta la demadrugada del otro dia estuvieron temblando en oyendo la ravia del viento de el ruido de los arvoles ke kaian deskarankados. (Pavlo i Virdjinia, 1912)

Ayi la madre fue destajada [aplastada] sovre los ijos en este dia de la ravia divina. (Vaye de los yoros, 1935)

Los reyes arabos se inflamaron de ravia kontra eyos i kijieron konvertirlos por fuersa. (Vaye de los yoros, 1935)

La manyanada esklaresio i el aire kedo de su ravia, i mis ojos se espandieron a la facha de la mar por bushkar a la nave i mas ningun senyal de eya no se vido. (Asolado en la izla, 1881)

Ma, atras ainda manko de trenta anyos antes ke el selebre doktor Pastor tuviera deskuvierto el mikrob de la ravia (kuduzluk), vos kreerias vos si vos dezian ke kon una simple injeksion sovre el kuerpo de un modrido el la eskaparia de la ravia? (El muerto ke esta bivo, 1912)

alora: el kamino mas presto, serrando los dientes de sanya, i tomado de ravia. el keria echarse sovre la djente komo un salvaje kon golpes de punyos (Nantes, Tel Aviv 1952)

Por tanto el non se deskorajava, solamente una fuerte ravia le suvia a la kavesa, siendo todo en sintiendose tanto kapache, el destino (mazal) le paresia indjusto. (Nantes, Tel Aviv 1952)

el shastre dio dos fuertes punyos sovre la kavesa del portalero gritando i esklamando de ravia (El rey i el shastre, Yerushalayim 1925)

En sus grandes ojos paresian pasar komo sinteyas de ravia salvaje (Mujer kriminala, Tel Aviv 1954)

Seria emposivle a deskrivir la ravia de Bayazid kuando el embezo el atentato organizado kontra su mujer (Gul Bahar, Tel Aviv 1953)

Suat Masit, en una grande ravia, tira de su aldikera un revolver por matar al Doktor. (La Boz de Turkiye, Istanbul 1948)

Toda la ravia, de sus dos mezes de bushkidas le vino al korason. (Nantes, Tel Aviv 1952)

Ande tienes el tino, en el raki, mas no estas pensando a nada, respondio Katina kon ravia. (La famoza kantadera, Tel Aviv 1950)

Haskito kon ravia apanyo la furajka i yorando se torno a kaza. (Sipure Sefarad)

El patrón le echo dos gritos i se fue a kalmarlo: ''Ke es esta ravia, al rey lo tienes enfrente eske? De, kálmate, ke ya los espantates a mis musafires!'' (Sipure Sefarad)

Ma el diavlo no tuvo keazer. Por la ventana avierta se desho de entrar un bizbon i kon ravia enfinko su punchon sovre el birit de Yomtov. (Sipure Sefarad)

El no me disho nada, tomo el kerpeden i me kito un diente sano. Entonsez me demando: ''Era este el diente hazino?'' yo kon ravia le respondí ''No!'', (Sipure Sefarad)

i les amostro la plata i meldaron las kartas, estonses se ensanyo el rey i kon grande ravia mando a yamar los negidim dela sivdad i a los grandes i vinieron a la djustisia todos (manus. Papo, Sarajevo 1840)

Segula: la piedra ke morde el perro en la ora ke se la echan a el en la ora de su ravia ke la meta en el kastiyo ke estan los blahos se fuyiran todos (manus. Papo, Sarajevo 1840)