prenyez f.

pregnancy

prenya

379640

prenyadez

379680

prenyijo

379730

prinyez

382600

Para asigurar tu prenyez kon alegria, aze i desaze nueve nudos kada dia

-Yo no aksepto este negro biyervo... Sinyor, es ke vos salvariash una famiya del dezespero, el padre non save nada, la prenyes non es ainda ke poko avansada (Nantes, Tel Aviv 1952)

segula para ke non sea la presona patron de ojo malo: es ke se guadre de esto kuando la mujer esta prenyada i non konose su prenyez i ainda alecha la kriatura i despues ansi movio movito se akavide ke non aleche mas la kriatura primera ke al yede de esto kavza ke se aze patron de ojo malo (manus. Papo, Sarajevo 1840)

segula para la mujer ke sus ijos se le mueren has ve-shalom kuando entra a el mez noveno de su prenyez: ke vaya a lugar ke la perra pario, ke meta su pie derecho sovre un perro chiko i ke diga tres vezes: toma a ti el muerto i da a mi el bivo; despurs de esto ke tome la mujer akel perro chiko ke pizo sovre el i ke se lo meta betoh de su pecho sovre su karne mamash i ke meta su kavesa de el al lado i sus pues de el lado estierdo i ke vaya lv mujer kon akel perro chiko a el rio i ke se kite el kushak a tal ke le kaiga el perro de suyo i ke le diga a el aroyo mas tres vezes toma a ti el muerto i da a mi el bivo (manus. Papo, Sarajevo 1840)

segula para la mujer prenyada kuando estara en el mez noveno ke tome tevila i kon esto balda de el ninyo todo modo de espiritos malos i todos los males ke vido en su prenyez (manus. Papo, Sarajevo 1840)

Refua para devedar el prenyes: toma gueso de onbre muerto i kemalo i despues lo moleras menudo por polvo i ke koma la mujer i kon esto de ayi endelantre non enprenyara mas (manus. Papo, Sarajevo 1840)

para baldar el prenyes: tsoa del arnevet balda el prenyes (manus. Papo, Sarajevo 1840)

para saver si la mujer prenyada va a parir ijo o ija: kuando esta de ocho mezes a su prenyes ke tome de la leche ke le sale de sus pechos i ke eche 1 pinga i un panyo de lino blanko i ke lo meta en el sol asta ke se seke el panyo i despues arremojara el panyo e lugar de la leche sin agua para azer pasar la mancha de la leche i despues ke ya se arremojo bien ke mire si keda al derredor de la mancha asenyalado en el panyo del lino preto i en medio blabko - es ijo; i si keda komo mancha amaria todo se abolta por blanko es ija (manus. Papo, Sarajevo 1840)

[segula para prenyes]: ke tome leche de perra, ke se lave la erva i ke sea meshamesh kon eya luego i aprovechara` i tiene demenester de azer esto munchas vezes (manus. Papo, Sarajevo 1840)

para saver de ken es el devedamiento de el prenyes: ke urine kada uno en un tefsin i ke mete en dos atuendos en un lugar asta 3 dias u el atuendo ke avra guzanos de akel es el devedamiento (manus. Papo, Sarajevo 1840)