pozar v.

to park; to place, to put up, to display; to model; to put oneself on display

pozar una demanda

להציג שאלה

pozar una karga (Nehama)

devemos de pozar las kozas en regla (Moscona)

no se save ni pozar ni empozar (Moscona)

Simientos El pozo al abismo mudo (Gaon, Poezias)

de varias karnes, i kopos de oro pozo a sus lado; (Odisea)

en arrivando en las linias enemigas, sin pedrer tiempo izi pozar mi aparey fotografiko (El Triomfo de la Djustisia, Sal 1921)

A la entrada del palasio shehina pozo en el. (Donme, sig 18)

Ansi fue ke akel dia mizmo / ke en Sinay pozo el Dio grandisizmo / i deklaro aboz alta el monotizmo / ke es la bandiera del djudaizmo. (Ketuba, manus. Rodosto 1931)

Despues de las palavras las estas, engrandesio el rey a 'Haman, ijo de Hamdata, i puzo su siya de todas las siyas mas alta; a el ke kiere abedigua, i a el ke kiere matar, mata; ke no ay kien le diga ni si, ni no. (sova semahot, Livorno 1782)

Ansi la providensia del Dio santo (la kavesera del puevlo de Israel) va ser pozada sovre ti i de eya pujara la santedad i onestedad en todas las klasas del puevlo, (M''L Kantar de los Kantares,1899)

pregunti ande pozava akel djidio me disheron en tal lugar (Mihtav Shelomo, 1855)

El puevlo de Yisrael kere azer atirar las piadades del Dio santo ke poze su providensia sovre el (Meam Loez Kantar de los kantares, Const. 1899)

Ken me diera i ser venturozo ke pozara su shehina - providensia - kon nozotros komo antes (Meam Loez Kantar de los kantares, Const. 1899)

Antes de asender la lampara, azen lumbre o asienden el gaz o asienden una gaziera i mira a ke la flamada no este muy grande, i poza ensima la lumbre un teneke kon burakitos i ensima pozan la kaldera o el chaylik ke van a tener menester para el dia de shabat (El gid, Istanbul 1967)

poza la masa en una mezika i ayi la va adelgazando, en pasando ensima tavlikas redondas ke son apropiadas para adelgazar la masa (El gid, Istanbul 1967)

uno de sus siervos se echo detras de komeres i beveres i visios del mundo i no mirava el vestido i kada dia le pozava mancha ferroja sovre ferroja (Pele Yoets I, Viena 1870)

non te apresures en tu espirito por ensanyarte, porke sanya en seno de lokos poza (Biblia, Viena 1841)

I Moshe no podia entrar en la tienda del plazo, porke la nuve pozava sovre eya, i la onra de A' inchio el tavernakulo. ( Biblia, Const. 1873)

I pozo el agua-manil entre la tienda del plazo i el ara, i metio en el agua para lavar. ( Biblia, Const. 1873)

I los Pelishteos suvieron, i pozaron en Ye'huda, i se estendieron en Lehi. I los varones de Ye'huda disheron: por ke suvistesh kontra nozotros? i eyos disheron: para atar a Shimshon suvimos, para azer a el komo el izo a nozotros. (Biblia, Const. 1873)

I Shimshon se fue, i aferro tressientas rapozas; i tomo tizones, i bolto kola a kola, i pozo un tizon en medio entre las dos kolas. (Biblia, Const. 1873)

I Shimshon yazio asta la media noche; i a la media noche se levanto, i travo las puertas de la puerta de la sivdad, i los dos postes, i los arranko kon la serradura, i los pozo sovre sus ombros, i los suvio a la punta del monte ke esta enfrente de Hevron. (Biblia, Const. 1873)

i pozo kontra eya; i fraguaron kontra eya bastion al derredor. (Biblia, Const. 1873)

En su longa vida de kortezana, nunka avia pensado ke un dia arrivaria onde su ija le pozaria semejante demanda . (Rolando i Eleonora, 1953)

La nave era pozada adientro del havuz, de las dos partes enriva de lenyos. (Leonidas el nadador, 1911)

Al 14 oktubre una banda de malechores pozo una bomba de dinamit entre las relsas de la linia de fierro entre Komanovo i Acharlar, en efeto de kualo pasando un treno de ropas fue saltado (La Amerika 1910)

despues levantandose un poko i pozando avagarozamente sovre el plato de fina porselena la tasa al fondo de la kuala se topavan ainda algunas notas del tosigo sinyor de Mino disho kon otoridad (La sinyatura del kontrato, Yerushalayim 1907)

el avia pozado sovre su kavesa un kaskete i se lo apretava por no darse tanto a konoser, un poko de barva postiza pozada sovre su figura no mostravan del todo ke era el (El prove doktor, Const. 1904)

pozo las miestas en sus pies guadro en su sinturio el kuchiyo ke konosemos i teniendo el kuidado de no olvidar la yave de la puerta kon la chika lanterna (fener) el se metio en kamino (El prove doktor, Const. 1904)

en pasando por el kazal fui enkantado de ver los todos los moradores del lugar dirijendosen kon kuriozidad i espanto verso una lokanda delantre de la puerta de la kuala dos viejas karosas de kargo eran pozadas (Manon Lescaut, Yeru. 1906)

Ke komio la tu mama en preniada de ti, (Kalendario de kantigas)

Bien save la roza en ke mano poza, (Kalendario de kantigas)

Es ansi, ke munchas vezes se entretenia kon sus savios i les pozava kestiones sovre diferentes kestiones de la vida, de la nature i la sensia. (Sipure Sefarad)

i se akavidava mucho de azer kavod a ribi Meir en lo ke pozava ande eyos. (Kuentos de Yerushalayim, 1923)

Pishin yamo el haham dos barraganes djidios i les disho: Toma, yeva a este ombre a la shara ande pozan los leones; (Kuentos de Yerushalayim, 1923)

el izo vinir a tres de los muevos valis i a todos tres les pozo la mizma kestion, (Sipure Sefarad)