posibilidad/posibilitá/posibilidat f.

ability, alternative, possibility

no tengo la posivilidad (Moscona)

Entre la posibilidad i la realidad puedes examinar el kamino de la verdad

Onde es ke kuando un rey tiene un servidor ke lo sierve kon todo modo de fieldad, i despues de esto aze ainda mas de toda su posibilidad (Lel Shimurim, 1819)

Viendo el Dio santo la buena veluntad de su puevlo i su determinasion kumplida a oveseder sus komandos kon toda su posibilidad, enpesa afalagarlo (M''L Kantar de los Kantares,1899)

Aktuendos de barro, fayans, plastik, no ay posibilita de utilizarlos en pesah despues de aversen utilizados entre el anyo (El gid, Istanbul 1967)

Aki estan topando la posibilidad de lavorar kon los mijores chirurjianos. (Shalom, 2007)

ken no tenia poder de pilas metía en la soba un kantaro de kovre kual se kayentava de modo ke el mediano de estonses tenia posibilitat de se lavar en envierno kon agua kayente kada día! (La mujer sefardí de Bosna, 1931)

Sirkunstansias personales ovligaron a senyor Perahia a abandonar la ovra, i por konsekuensa no tuvo la posibilita de meter en exekusion los briliantes planos ke el avia trasado. (La Boz del Puevlo, 1918)

ma esta aksion es desturbada por talos atakos ke non solo no pujan las posibilidades de lavoro sino ke danyan tambien los intereses propios del lavorador. (Manifesto de Lishkat a- Avoda, Tel Aviv 1950)

en lo ke koncherna la posibilita de federalismo de linguas la Svechera mos da un eshemplo dechizivo (Herzl, El estado djidio, Sal. 1931)

si yo digo kon rezerva todas las kozas situadas en el avenir va apareser ke yo mizmo no kreo en sus posibilita (Herzl, El estado djidio, Sal. 1931)

Yako konosía bien la kapachitá i las posivlidades de kada uno i no se yerrava en avansandoles las sumas demandadas. (Sipure Sefarad)