populasión f.

population, residents

Era despues ke salimos de Ejipto / del lugar del esklavaje i del sojefto / ke Dio kon su bet-din dieron desizion / por dar la Ley a su chika populasion (Ketuba, manus. Rodosto 1931)

en la kapitala, Asonsion, ay una populasion de 900 mil moradores. (Luz de Israel, 1989)

Tenemos dolor de anunsiarvos ke un fuego temerozo destruyo kaje Salonik entero, populasion sin abrigo 100 mil menestrados de los kualos los tres kuartos djudios son kompledamente ruinados (La Amerika, 1917)

en una sivdad komo la muestra ande mozotros djidios formamos mas de la metad de la populasion era, no diremos verguensozo,[...] ma propio estraordinario ke non tuvieramos dainda muestro djornal kuando los turkos i los gregos tienen los suyos (La Epoka, Sal. 1875)

entusiasmadas de admirasion i esmovidas de agradesimiento, las populasiones del imperio otomao tienen dunkuey muncha razon deselebrar este anyo kon mas grande briyo el dichozo aniversario del nasimiento de sus bien amado soverano i de rogar kon fervor al todo potente de konservar longo tiempo sus dias presiozos (El Tiempo, Const. 1896)