plantar v.

to plant; to establish

planta en mi penserios tu temor, setensia sovre mi setensias buenas i balda de sovre mi setensias malas (Keter Malhut, Mahzor Saloniki 1876)

I no kijo asentarlos en lugar ke se asentaron en el primer konbite sino en la guerta del verdjel del rey ke estava plantada de arvoles i espesias ermozas (Meam Loez Ester, Izmir 1864)

i kavola i despiedrogola i plantola sarmiento i fraguo torre entre eya i tanbien lagar tajo en eya (Biblia, Const. 1743)

Komed este anyo redrojo i enel anyo el segundo restrojo i enel anyo el tresero sembrad i segad i plantad vinyas (Biblia, Const. 1743)

i lo ke vistes manta tenyida de kuantas kolores , vinyas ternas i plantaras en el todo modo de arvol (Sefer 'ha-yashar, manus. sig. 17)

Eyos keren enrikeser esta tierra despovlada, plantarla, fraguarla , inchirla de arte, sensia, industria i rikeza (La Amerika 1910)

Por falta de otras solusiones, el governo okupo a estos olim en lavoros provizorios komo despiedrar a los kampos para ke puedan ser kultivados i plantar arvoles en muevas sharas. (Aki Yerushalayim, 2019)