pedaso m.

piece, chunk, portion, fraction

azer en pedasos

ביתר, ניתח לנתחים; ''עשה (ממנו) קציצות''

azer la kaza pedaso a pedaso

לרהט ולמלא את הבית בשלבים

azer todo pedasos

לשבור ולנפץ לשברים קטנים

azerse pedasos

להתאמץ לשוא עד גבול האפשר

azerse un pedaso entero

לקמט מצח, לזעום

desazer una fortuna pedaso a pedaso

לבזבז רכושו על ידי מכירתו חלק אחר חלק

en un pedaso

שלם, בחתיכה אחת

es ombre en un pedaso

אדם ישר דרך אך משולל גמישות

es un pedaso de bovo/de azno/de lonso

הוא "חתיכת" אידיוט!

esta ropa se vende a tanto el pedaso

הסחורה הזו נמכרת בכך וכך ליחידה

estar un pedaso de medra

להיות שרוי במרה שחורה

lavorar a pedaso

לעבוד תמורת שכר עבור פריט ייצור (באופן קבלני)

mirar una ropa pedaso por pedaso

לבחון את הסחורה פריט פריט

pedaso por/a pedaso

חתיכה חתיכה, דבר דבר

un buen pedaso

נתח הראוי להתכבד בו; אשה יפה

vender una ropa por un pedaso de pan

למכור סחורתו בעבור פת לחם

onde está fulano? - naldo en un pedaso! (Nehama)

las manos las tengo un pedaso de buz (Moscona)

no te se kome el pedaso (Moscona)

kaerse a pedasos (Moscona)

muerto por un pedaso de pan (Moscona)

ni un pedasiko de amistad no tiene por sus parientes (Moscona)

para ke se aga mas pastozo se echan dos-tres pedasikos de asukar (Moscona)

Es un pedaso de karne kon dos ojos

Toma un pidaso di pan, echalo a la mar, un dia lo toparas

De grandeza se kaya a pedasos

pedasos de madres i de kriaturas (Gaon, Poezias)

razgaron donzeyas amuchos pedasos (Gaon, Poezias)

Shimshon ke kon sus manos i sus potentes brasos, un gran leon avia kortado en pedasos; ('Ha-Elion: Shimshon, 2003)

i te enbezare en esto: ke de un pedaso de madero, (Toledo, Koplas de Yosef)

Avraam tomala luego, izola siete pedasos; (Toledo, Koplas de Yosef)

hina i hasda tienen en todo el oditorio / por los ermozos pedasos de sus repertorio (manus. Vitali Varon, Const. 1948)

para ke no se askee de verla kriar de un pedaso de karne i no la podra ver. (Meam Loez Bereshit)

Esto es en el restante de los dias, ma las dos primeras noches, es ovligado de komer en la Suka, alo manko un kazayit (un pedaso de pan ke lo ovliga a dizir Birkat Amazon) de pan. (El Gid,1967)

Komo el datilar, ke kada pedaso i pedaso del arvol tiene su buen profito; i tus rejidores van asemejar alos razimos del arvol ke enkolgan para abasho: (M''L Kantar de los Kantares,1899)

en tomando el ijo la djuben vieja aviejentada tomo la izo en dos pedasos (ve-'Hohiah Avraam, Izmir 1877)

i todo Yerushalayim en un pedaso de yoro i esklamasion akarar ke los felahim ke estavan derredor del kale les paresio ke izieron lagum de adientro (Imre Bina, Belgrad 1837)

les dio unos vestidos de reinado muy presiados ke kon eyos se arrefinan i arrelumbran ke paresen un pedaso de diamante i berlante (Pele Yoets I, Viena 1870)

i izieron desnudar a Yosef a su tonga de los pedasos ke sovre el (Biblia, Const. 1547)

Una manyana, el duke, restado a Banyer, komo se resta en un lugar ande se topa enterrado un pedaso de korason, (La dam o kamelia)

Alado del pedaso de terreno ke la senyora de La Tur se aparto para azer lavorar, era tambien situado el terreno de una otra mujer (Pavlo i Virdjinia, 1912)

Asegurasion de vanidad, si no es mas mejor de vozotros para mi un pedaso de pan seko? Un kopo de agua manante? Un kuchio de fierro? (Asolado en la izla, 1881)

Si no se alevantava un aire de tempesta, yo la despedasava a la nave pedaso a pedasos, i los akarreava a lo seko (Asolado en la izla, 1881)

enel momento de estampar nuestra gazeta vienen de traer a nuestra redaksion un pedaso de shemurá ke toparon adientro un pedaso de pernil de pantalon de demuazel (El Djugeton, 1922)

Ya savesh ke los vestidos ke se fazian el tiempo de karnaval eran unos pedasos de hasé o de merikana dada ala boya i kuzidos komo les venían. (el Rizón, Salon. 1939)

el tenia a estiedra el chiko brazero (mangal) i un godro pedaso de plomo a derecha, sus instrumientos, tijera, apegador, martiyo i otros (El Alakran, Tel Aviv 1954)

eya kito unos kuantos pedasos de blankeria i se metio a lavorar: kuzir kamizikas i fashaduras por los ninyos (La dezgrasiada Luiza, Tel Aviv 1953)

Tres dias mas tadre, el vendia los tres o kuatro pedasos de moble de su kaza, i partia por Paris kon 200 frankos en su aldikera. (Nantes, Tel Aviv 1952)

Eyos djugaron kon maestria dos pedasos de Chopin ke obtuvieron un sukseso formidable. (La Boz de Turkiye, Istanbul 1948)

la kestion djudia existe, seria stupido de niegarlo, eya es un pedaso arrastado de la edad media (Herzl, El estado djidio, Sal. 1931)

Esto asemeja a un perro ke tinia en su boka un pedaso de karne i estava pasando por la agua. (Hidot de Izopeto)

Akel pedaso de la boka ke echo lo perio. I en la agua no topo nada. (Hidot de Izopeto)

Echo akel pedaso de la boka i se echo a la agua para tomar el otro pedaso ke era mas grande. (Hidot de Izopeto)

loke estas avlando?! 300 levos por un pedaso de tela boyadeada ariento de un kadro! (Sipure Sefarad)

i disho el rav al shamash: te so gozer ke me trayas en esta ora un kantaro de agua kantidad de siete okas, ni mas ni manko, i un pedaso de karvon, i no tengas miedo de nada (manus. Papo, Sarajevo 1840)

segula para kriatura ke yora muncho: ke toma un pedaso de manta de el hamor en la manyana kuando eskontra kon el i ke le meta debasho de la kavesera i aprovechara, itiene de menester de kortar la manta kon kuchiyo nuevo (manus. Papo, Sarajevo 1840)

segula para saver si la mujer esta prenyada de ijo o ija ke arremoje un pedaso de pan en el dam nidot i ke le de a komer a el perro si se lo kome es de zahar (manus. Papo, Sarajevo 1840)

Segula para saver ken es el ladron: ke tome pedasos de kelaf kasher i ke eskriva sovre kada uno nombre de los sospechados i ke tome un atuendo de barro yeno de agua i ke eche los eskritos entre eya i ke diga el salmo de ''a-shamayim mesaperim'' 3 vezes i viene en los teilim 19 i el nombre de el ladron abashara abasho del agua i el resto kedaran enriva de el agua (manus. Papo, Sarajevo 1840)

Segula para saver ken es el ladron: ke tome un pedaso de kelaf el ke esta echo para sefer tora o para tefilin i ke eskriva sovre el o''f o''f po''f i ke enkolge el kelaf en la garganta del gayo flako luego suvira en ka kavesa de el ladron o lo mordera (manus. Papo, Sarajevo 1840)

Segula para traer es.huenyo: ke tome vinagre de vino huerte i agua rozada i sal i estierkol de kavras, de zahar para zahar i ke meskle todo endjunto i ke unte en un pedaso de panyo de djitin blanko i limpio i ke se meta en la frente (manus. Papo, Sarajevo 1840)

[segula para la mujer ke pera fijo]: ke tome un pedaso de ombligo del ijo behor i ke lo keme i ke lo muela i ke le de a la mujer a bever kon agua o kon vino en dia de la tevila i non parira ijas (manus. Papo, Sarajevo 1840)

segula para kriatura ke tiene kefiya ke es batidero de pies i de manos: kuando kaye en akel lugar ke kayo ke le kiten de el la kamiza i los vestidos i ke los korte a pedasos i ke los enterre a eyos enel lugar ke kayo i aprovechara (manus. Papo, Sarajevo 1840)