pasado m.

past, past tense

tener un buen pasado

בעל עבר טוב - ללא דופי

tener un negro pasado

יש לו עבר מפוקפק

para lo pasado no ay remedio (Nehama)

k'este palasio era al pasado muy riko i onrado, (Odisea)

alvisias demos al Dio por todo pasado, kien se toma kon djidió merese enkolgado; (Koplas de Purim, Saadi 'Halevi. sig 19)

El pasado le paresia komo una de las prinsipalas kavzas de su hazinura, (La dam o kamelia)

volvamos un momento nuestras mi­radas sovre el pasado. (El Tiempo, 1924)

Yo no tengo el dirito de embezar nada sovre su pasado (Mujer kriminala, Tel Aviv 1954)

Ma espantandose no sea ke alguno lo konoska i se akodre de su pasado, el se eskondio en un kanton debasho de una siya de los asistentes. i ansi no uvo ninguno ke lo demaskara. i kon este el se kreo eskapado. (El Djugeton, Const. 1908)

El ke melda la traduksion al ladino ke trushimos mas ariva no puede liberarse del sintimiento ke nos topamos frente a una lengua avlada ke esta aziendo sus primeros pasos komo lengua eskrita, kuando esta lengua tiene un pasado de mas de 500 anyos de kreasion literaria. (Aki Yerushalayim, 2019)

Una kreasion literaria de valor no puede existir en un lugar i un tiempo en el kual se pedrio kaje enteramente el akseso a los trezoros kulturales del pasado. (Aki Yerushalayim, 2019)

la repuesta sovre lo pasado era tan djusta ke loke era dicho sovre el avenir podia igualmente serlo (Muerta de mala muerte, Yerush. 1911)

Yo entrava i salía en esta kaza siendo amigo de Haim, su inyeto, i por esto alkansi a saver munchas kozas del pasado de esta remarkavle vieja. (Sipure Sefarad)