palasio m.

palace

el Palasio

ארמון השולטן

estar kyisto al Palasio

ללהיות ביחסים טובים עם אנשי החצר (העותמנית)

morar en un palasio

לגור בדירה מרווחת מוצפת שמש ומאווררת היטב

palasio de alegria

אדם שמח עד גדותיו

palasio imperial

ארמון המלוכה, ארמון הקיסר

el palasio del rey (Nehama)

In palasio skuro, klarida no entra

Mas vale kaza estrecha ande reina la alegria ke un palasio ancho ande yoran

Ken ve el palasio del rey, derroka su kaza

Mi vasto palasio me es ami karga (Gaon, Poezias)

al Olimpos, al palasio de Zeus, tenian adjunta. (Odisea)

i para mi sovre todo, porke se el patron del palasio.'' (Odisea)

munchos palasios munchas grandezas / bienes averes muncha rikeza (Rekolyo de Poezias Diversas, Tel Aviv 1931)

Palasios muy yenos de plata i oro (Koplas de Purim, 1545)

Hur karpas i kaderno kuvrio su palasio pilares de severno marfil i topasio (Purim, De-Fes, sig. 18)

A la entrada del palasio shehina pozo en el. (Donme, sig 18)

Razon rishon envelunto para azer palasio, en presipio mando El Rey filo santo de suyo, i desho El un nekuda, sierto es aver suyo (Donme, sig 18)

Los shevatim se kedaron mirando por las 4 partes del palasio a ver su venida; (Meam Loez Bereshit)

le disheron ke la uzansa es ke el rey esta enserrado en su palasio i no sale del todo (Meam Loez Bereshit)

Lo vijitava kada dia en su palasio. (El Gid,1967)

Se echo sovre sus karas, i lo vido a el arrelumbrando sirios en el palasio del meleh 'ha-mashiah. (Leket 'ha Zo'har, 1855)

Ansi le dieron a saver de los sielos i enpesaron a azer de akel modo de figura i metian en los palasios I en las puntas de de las muntanyas I debasho de los arvoles (Meam Loez, Devarim II, Const. 1773)

i fraguadle a eya un palasio i azelde su figura de dita estreya para ke vos enkorvesh a eya todos los ombres I las mujeres i los chikos i los grandes (Meam Loez, Devarim II, Const. 1773)

lo entro a su ijo al palasio kon adalet grande (ve-'Hohiah Avraam, Izmir 1877)

A la buelta lo vieron i empeso a gritar Belshatsar diziendo yo so el rey i no lo eskucho dito sinklavo i lo prendio i le korto la kavesa i amato la luz del palasio en sekretamente (Meam Loez Ester, Izmir 1864)

I avia en el palasio de Belshatsar un sinklavo de los viejos [...] ke era muy savio i onrado i penso en su korason diziendo ke seguro todo lo ke avla Daniel es muy sierto (Meam Loez Ester, Izmir 1864)

I la regla de los reyes es ke no entran ningun keli en el palasio sino es menester ke vaya el rey kon sus pies a azer sus menesteres (Meam Loez Ester, Izmir 1864)

mashal a un rey ke entro kon sus fonsados a la sivdad ke vaday ke al prisipio le dan konak i palasio pertenesiente para morada (Meam Loez Yeoshua II, Izmir 1870)

me disheron ke non tengo lisensia de suvir i veer en ninguna morada de el palasio i non kere dicho en este lugar (Shivhe Hayim Vital, Sal. 1892)

ainda non ayego tu tiempo de espartirte del mundo, a razon ke ainda non se bitereo la fragua de mi palasio en gan eden, ke es un binian muy grande (Shivhe Hayim Vital, Sal. 1892)

Preparate en el atrio para poder entrar en el palasio (Tefilat Imanuel, 1924)

I Eli el saserdote estava sentado sovre una siya djunto al poste del palasio de A'. (Biblia, 1873)

I el dezde su palasio oyo mo boz, i mi esklamasion entro en sus orejas (Biblia, Const. 1873)

non korban de kulpa i non ofisiones; non termino i non suertes; non palasio i non el minudo ([Mishnayot], Seder Maamadot, Viena 1821)

non korban de kulpa i non ofisiones; non termino i non suertes; non palasio i non el minudo ([Mishnayot], Seder Maamadot, Viena 1821)

todo esto en seer el palasio sovre su asiento i la ara sovre su konpustura

alevantose Zeliha i >suviose a su palasio, i vistiose de panyos de reino (Sefer 'ha-yashar, manus. sig. 17)

i safumo a su kaza i a su palasio kon almiskle i anderehas, i esparzio en toda la kaza almiskle i sandalos (Sefer 'ha-yashar, manus. sig. 17)

i tambien piedras para fraguar kon eyas trusheron i fraguaron los fraguantes palasios para Yania la reina, i se melezino la reina de su dolensia (Sefer 'ha-yashar, manus. sig. 17)

el governo Italiano firmo en el palasio de Latran un akordo politiko-relijiozo kon el Papa, (La boz de oriente,1931)

poseda vila komo palasio i una vida de vistos exajerados. (Luz de Israel, 1989)

En Versay es ke es el palasio del rey? (Banyos de sangre, 1912)

Es ke es tanto terrivle el asistir a una fiesta ke vo a dar en mi palasio? (Rolando i Eleonora, 1953)

Demas eya tenia, en el grande palasio ke le avia deshado Davila, de una numeroza trupa de servidores . (Rolando i Eleonora, 1953)

A la manyana me alevanti de mi kama bien arrepozado, i mirava i parava mientes en mi tienda komo akel rey ke esta en el mas palasio ermozo (Asolado en la izla, 1881)

El soverano desendera en el palasio munisipal. El nuevo rabino senyor Bidjerano, antes de Bukorest, kompozo un elokente kante para este resivo (La Amerika 1910)

un dia sin dar ni menos un adio a su mujer, ni bezar el ijiko ke ya empesava a pronunsiar su nombre, sin dezir nada a dinguno, se desparesio del palasio (La Epoka, Sal. 1900)

izi dunke kaza i asiento en el palasio ke todos me venian a ver i saludar kon kuriozidad (Guliver, Yerush. 1912)

Gul Bahar se aparejava a suvirse en la talika por tornar a su palasio (Gul Bahar, Tel Aviv 1953)

echando sus miradas dela otra parte de Ia guerta, se prezentava ala vista una ermoza kaleja de Paris vian el rio ''La Sen'' los palasios, las galerias del ''Luvre'' ansi ke las dos filas (siras) de los bodres de Ia Sen kon una mar de tejados (techos) asta las leshuras pedridas del misteryozo ''Per Laches''(Nantes, Tel Aviv 1952)

La direktrisa antiyer vino personalmente al palasio del governo i me invito (La Ermoza Alis, Tel Aviv 1954)

Kien estuviera pariendo en el palasio del rey mi padre, (Blanka Flor)

Ya la tomo por el braso al palasio se la yevo. (Blanka Flor)

El rey lo saludo kon respekto i se torno al palasio. (Sipure Sefarad)

Un dia, delantre del palasio se apara un djidio endjuntos kon un hamal ke stava enkargado kon dos tinajas. (Sipure Sefarad)

su kaza, kontan, ke es un verdadero palasio arresentado kon todo lo mijor en la moda de Viena (Sipure Sefarad)

A la demanyana, espartiendose del mandradji, le dio las grasias i torno al palasio. (Sipure Sefarad)

El rey entendió el sekreto del buen gio del mandradji mientres ke era vali, i lo tomo en el palasio por konsejero. (Sipure Sefarad)