oreja f.

ear

akostar oreja

לכרות אוזן; להטות אוזן, לשמוע בקול

echar oreja

הטה אוזן, כרה אוזן, האזין

eskarva-orejas

מנקה אזניים

estar kon las orejas kaidas

ללכת שחוח

ke se enkolga en la oreja

נאמר על דברים מאיכות מעולה

no meter/no akostar oreja

לא להטות אוזן לעצות

orejas de Amán

אזני המן

orejas de merkader

אוזניים ערלות אטומות מלשמוע

tener orejas de merkader

להעמיד פני חרש

travar las orejas

למרוט את האוזניים (כמעשה ענישה)

travarse/arretuerse la oreja

להצטער מאוד

rueja

410520

por una oreja me entra, por la otra me sale (Nehama)

kien no siente a la mujerika se aretuerse la orejika (Nehama)

Oiga tu oreja lo ke dize tu boka

Tieni urejas de taushan

Las mulas fueron a buskar kuernos, vinieron sin orejas

Mochacha por las orejas

Buen pie, buena oreja, siman de buena bestia

Ken no siente a su mujerika, se tuerse la orejika

Lo echo detras de la oreja

Orejas di merkader

el ke formo vuestra oreja i la mia / non oira los gritos del prove, del meskino / enfin de las viktimas de vuestra porfia? / el ke izo vuestro ojo, non vera kon tino / vuestras indjustisias, vuestras bashezas (Rekolyo de Poezias Diversas, Tel Aviv 1931)

ojos tienen i no avistan, i orejas i no oyen; (Toledo, Koplas de Yosef)

A' responde a los aniyim los estantes delantre de ti / komo proves ke demandan, bushkan perdon de ti / konpone su korason, eskucha tu oreja (A' oyi i me estremesi, Mahzor Rosh a-Shana, Sal. 1876)

deve de avrir tanto de oreja i meldar bien todo lo ke avizaremos en este livro, (Meam Loez Bereshit)

el komerchero esta en geinam i su oreja tiene debasho del portal de la puerta ke toda la pezgadia la tiene kargada en su oreja (Meam Loez Shemot I)

i non la oreja por inchirse de oyir todas las palavras de todos moradores de la tierra. (Koelet Targum,1744)

akosta tu oreja a mi, oye mi dicho. (Biblia, Const. 1873)

En oyendo kon la oreja me ovedesieron, los estranyos se deskayeron i se estremesieron en sus enserramientos (Biblia, Const. 1873)

I el dezde su palasio oyo mi boz, i mi esklamasion entro en sus orejas (Biblia, Const. 1873)

deshando ver solo una chika punta de las orejas en las kualas briyavan dos diamantes de los mas valutozos. (La dam o kamelia)

presto oreja a los ruidos suksesivos de las karosas ke yevavan los invitados (La sinyatura del kontrato, Yerushalayim 1907)

el viento yelado empeso a entezar las manos i las orejas del ovrador (El Alakran, Tel Aviv 1954)

este ultimo se ato una rida a la kavesa por guadrarse las orejas i empeso a rekaentarse las manos sovre el brazero (El Alakran, Tel Aviv 1954)

akosto la oreja komo por oir un ruido leshano (La dezgrasiada Luiza, Tel Aviv 1953)

Kuriozos de ver si el kondanado va preferar la muerte or, arrepintiendose en el ultimo momento, se va deshar kortar la una oreja deklarando delantre de tres ishaetes su veluntad de adovarse definitivamente. (Sipure Sefarad)

El rey ke tiene ojos i orejas en kada lugar, puede ser ke no sepa el hal del puevlo? Sino, ke todos son una kolor, ampesando del rey asta el bekchi del kampo! (Sipure Sefarad)

Ma sikomo el insistió, de uno al otro la koza ayegó asta la oreja del rey, ke lo mandó a yamar (Kuentos, 1986)

Segula si le entro algun baal hay en la oreja ke se meta algo dulse komo asukare o leche i si es ke esta ainda bivo el baal hay ke lo maten kon kozas saladas komo dezir urina o kon kozas amargaskomo dezir fyel i komo asemejante (manus. Papo, Sarajevo 1840)

Segula si le entro algun grano de alguna koza en la oreja: ke tome chirikote ke se meta en los burakos de la nariz i ke tape los burakos de la nariz i la boka estonses salira el grano de la oreja (manus. Papo, Sarajevo 1840)

Segula para detener la sangre de la nariz: si la sangre sale del burako derecho de la nariz ke eche agua en la oreja istierda, i si korre del burako istierdo ke eche agua en la oreja derecha, i si le korre de todos dos burakos ke eche agua en todas dos orejas (manus. Papo, Sarajevo 1840)

Segula para el sordo ke non siente: ke tome ortigas, ke kite el sumo i ke lo meskle kon gordura de pato, despues ke aga una mecha de panyo de djitin i ke la entinya en esto ke dishimos i ke se meta la mecha en la oreja i le aprovechara (manus. Papo, Sarajevo 1840)

Segula para shemuá tová: ke se lave la manyana en su oreja kon el dedo de kemitsá i ansi kon la otra mano istiedra i kon el dedo de amá ke se lave el ojo (manus. Papo, Sarajevo 1840)

Segula para ke se melezina la beema ke esta hazina ke le agan una kortadura en la oreja i otra en la kola (manus. Papo, Sarajevo 1840)

La saliva i la bava de el onbre el ke aze taanit si le goteara en la oreja le sarlan algunos guzanos si tiene ayi (manus. Papo, Sarajevo 1840)

Refua para akeyos filos ke salen alado de las unyas ke se unte kon la zoama ke tiene en la oreja los dedo onde le salen akeyos filikos i se melezina (manus. Papo, Sarajevo 1840)

para afermoziguar las karas i para los ermoyos malos ke salen en las karas i para dolor de las orejas aprovecha gordura de pato i de los gayos, la gordura aprovecha para demenesteres de las mujeres (manus. Papo, Sarajevo 1840)