ordenar v.

to order; to compose (a song)

ordenar pleito

לעורר ריב

odrenar

337770

ordonar

342870

odrenar boda/meza/ziafét/ (Nehama)

pues ordena ke yo ande kalmamente asu lado. (Gaon, Poezias)

i ordenan fiestas dansas i tanyeres. (Gaon, Poezias)

i ordenan salmos sovre las peleas (Gaon, Poezias)

i el te ordena ke sus fueros ames (Gaon, Poezias)

Empesando el sus salmos ordenar kon entusiasmo (Gaon, Poezias)

de los ke stan en su kaza. I a ti te ordeno ke penses (Odisea)

Por los rikos ordenaron komer trigo ke guadraron; por los povres ombres todo modo de legumbres. (8 dias antes de Pesah, 1909)

A la stasion fínala después ke s'abasharon, al grupo de mansevas de yir le ordonaron. ('Ha-Elion: En Kampos, 2000)

djusto i bien ordenado i envelunti de dizirlo. (Toledo, Koplas de Yosef)

Ke veni amanyana al konbite odrenado (Koplas de Purim, 1545)

Ordeno la lenya kon una grande pasion, (Puertas de veluntad)

koman indianos, sofrito i kiebap; kada uno su erbap ordenen la meza sin aver mankeza. (Koplas de Purim, Saadi 'Halevi. sig 19)

Tomo la lenya i la ordeno sovre el mizbeah kon grandr pasion, kon lagrimas de sus ojos lavava su fision i lo ato komo barvez de la alsasion (Tarika, Shira Hadasha, Izmir 1861)

estas komplas son alavadas por el padre de la Ley son ordenadas, por la petira son deklaradas del sinyor de Moshe (Tarika, Shira Hadasha, Izmir 1861)

de verme kon muncha fatiga, ordeni esta kantiga, kon eya se kastiga el ombre kriado de la tierra (Tarika, Shira Hadasha, Izmir 1861)

Vilhelm pasaje kijo azer entre los beljikanos / i por non los dezazer les avlo komo ermanos / viendo ke levantaron manos / a su armada ordeno / el tiro alman sono / la Beljika fue atakada / i en sivdad franseza mandada (La Amerika, 1915)

ermana pekenya, sus orasiones / ordena i responde sus loores / Dio, rogo melezina sus dolores / se ateme la anyada kon sus maldisiones (Ermana pekenya, Mahzor Rosh a-Shana, Sal. 1876)

Konbite grande an ordenado i ke todos vengan a su mandado, i tambien a los Judios an konbidado ke ninguno pudia dezir no. (sova semahot, Livorno 1782)

ke todas akeas 'hahanot ke kontimos ke izieron ditos senyores i las mezas ke odrenaron (Meam Loez Bereshit)

odreno David 'ha-meleh i ovligo a todos los djudios ke digan sien berahot kada dia, (Meam Loez Bereshit)

Kijo odrenar batalia kon eyas. (Meam Loez Bereshit)

Es defendido de ordenar en Sukot pransos afuera la Suka, ma frutos i beveraje i kozas sin pan ya puede komer afuera la Suka. (El Gid,1967)

i ansi oyimos i supimos en esta milhama ke uvo en anyo de 5614 [1854] ke adonenu 'ha-meleh 'he-hasid sultan Abdul Medjit kon mas melahim [...] odrenaron gerra kon el rey de la Rusia (Meam Loez Yeoshua II, Izmir 1870)

era pertenesiente a eyos por enfortesersen por odrenar gerra por pelear kon Israel por vengarsen de eyos por la matansa grande ke izieron en la djente de Yeriho (Meam Loez Yeoshua II, Izmir 1870)

Es defendido de ordenar en viernes despues de midi pransos i komer (El gid, Istanbul 1967)

odreno kon hohma muy grande a derokar las teanot de los pilosofim grandes kon razones siertas i verdaderas (Meshivat Nefesh II, Const. 1754)

i makare entendieran el ladino de sus avlas i makare se rijiran rijo ke se rijian los ke odrinaron los livros (Meshivat Nefesh II, Const. 1754)

Si sos djuzgador no te meskles por ordenar las kozas komo el abogado (Tefilat Imanuel, 1924)

Ke ansi dize el pasuk: i ordenará sovre eya la alsasion i saumará sovre eya sevos de las pazes sovre eya kumple todas las ayegasiones todas eyas. (Mishna: Tefilat kol Pe 1874)

Abaye era ordenan orden de la ordenansa, komo lo deprendio de nombrado de la gemará ([Mishnayot], Seder Maamadot, Viena 1821)

I ordeno sovre eya ordenansa de pan delante de A', komo enkomendo a Moshe. ( Biblia, Const. 1873)

i a el ordeni ke sea prinsipe sovre Yisrael i sovre Ye'huda. (Biblia, Const. 1873)

I el rey ordeno sovre la puerta al kapitan sovre la mano del kual el se asofria; i el puevlo lo pizaron en la puerta, i murio, komo avia dicho el varon del Dio, ke avlo kuando el rey desendio a el.(Biblia, Const. 1873)

los doktores le avian ordenado de azer banyos de mar i eya partio por ''Banyer''. (La dam o kamelia)

Todo lo ke le ordenavan eya lo azia. (Pavlo i Virdjinia, 1912)

I aserkandose de un ancho vazo yeno de agua ke le prezentavan, el metio la kavesa adientro i ordeno por ke fueran a traer el kuerpo. (El muerto ke esta bivo, 1912)

Marta, ordenando de servirles algunos refreskamientos se asentava enfrente de Jilbert ke era asentado sovre el fotolyo (El prove doktor, Const. 1904)

Asta ke le aparejaran la talika i ke los hadumes fueran arretornados, eya demando a ver al papas en ordinando ke los desharan bien solos (Gul Bahar, Tel Aviv 1953)

perseverando en sus esfuersos de asigurar a las populasiones de su imperio el bienestar moral i material su maestad el sultan ordeno este anyo la aplikasion de nuevas i importantes reformas en la administrasion del pais i ke no tardaran a dar rezultados muy salutarios (El Tiempo, Const. 1896)

Del espanto no se enbezen negro los ke se topan ayi, i eyos tambien ordenan por ke la puerta le sea serrada. (El Djugeton, Const. 1908)

a la fin una puerta sekreta se avrio en la pared i una boz delgada i imperativa (ke save ordenar) pronunsio el biervo ''entrad'' (Muerta de mala muerte, Yerush. 1911)

De vista izo vinir al vezir i le ordeno ke lo topen al mandradji i ke lo metan por vali en uno de los vilaetes leshanos, famozo por la mizeria ke reinava en esta rejion. (Sipure Sefarad)