nunka adv.

never, no way

ke nunka ni no!

שימשיך בסירובו!, הפסד שלו!

ke sea ke nunka sea!

יהיה אשר יהיה,לא איכפת לי!

mas vale tadre ke nunka

מוטב מאוחר מאשר אף פעם לא

nunka mos manka por adonde

המזלהרע רודף אחרינו בכל מקרה

nunka se vido tal!

מעולם לא ראינו דבר שכזה!

nunka sea ke

האם לרוע המזל?

no kiere venir? ke nunka venga ni ayege a venir! (Nehama)

nunka darsó mi fijo, ke darse i ke sea en tesabeá (Nehama)

nunka sea ke el gato se kumió la karne? (Nehama)

nunka sea ke se kayó i se rumpió la pierna? (Nehama)

nunka lavrí, en día de viernes me arremangí (Nehama)

Nunka se yora (Moscona)

Nunka ni hanunka (Moscona)

Buen abogado nunka es barato

El ombre ke nunka duda, non sabe koza alguna

Ken en el Dio kreya, nunka s'enganya (o se despera)

Kien no a visto a Seviya nunka a visto maraviya

En azer bien nunka se piedre

Merkader de la yaga ke siempre piedre i nunka gana

El avaro sienpre tiene dezeo ama nunka esta muy satisfecho

Las avas kontadas nunka son rovadas

Raposas de las vezinas nunka komen las gayinas

El nasido kon mancha nunka se adova

Ija ermoza sin ventura nunka ayege a naser

Amigos viejos, nunka se azen enimigos

El ke mira a la djente nunka va bivir kontente

Ken negro nasio, nunka no se endiricho

Muncho amor i dinero nunka esta enkuvierto

El ke le plaze muncho bever nunka se puede enrikeser

Karidad bien entendida nunka esta eskondida

Kien tiene ijos i ovejas, nunka le faltan keshas

El ke non ayego a kazar nunka fue guadrado de nazar

El melon i el ombre nunka se konosen

Selebrasiones i bendizir i nunka maldizir

En la kaza del gvir, nunka manka un basin

Kuando uno avla la verdad nunka lo va pueder enyegar

Lo ke se aprende en la kuna nunka se piedre i sienpre dura

El ke kome poko nunka sale loko

Los ke siempre son sekeozos por la sensia nunka se deshan sonbair de la verguensa

Ken bien ama, nunka olvida

Amigo nunka provado, nunka es muy alavado

Mujer ke es kasta, nunka enfastia

Ken solo djugo, nunka se inganyo

Kien non save ke es gerra, nunka ke vaiga a eya

Ken guadro, nunka dezeo

El ombre sezudo nunka es muy krudo

Los malazedores nunka son muy povres

El pedante nunka es buen profesor

El sospechador nunka tiene repozo porke en todo lo todo es dudozo

El ambisiozo i el enviozo no tiene nunka ripozo

El piadozo nunka tieni ripozo

Kien no save de avuelo nunka save de lo bueno

Mas vale tadre ke nunka

Al malo nunka le manka el grano

El ke es buen pagador, nunka sale devdor

Korason alegre nunka se envejese

Una mujer pompoza nunka sale savroza

A boda ni bavtizado, nunka vayas sin ser yamado

La ija i el Pesah nunka se atema

Todo lo ke se va menear, kasi nunka se va kayer

Ken buen mazal tiene nunka lo piedre

No te endevdes mas del karar porke no puedes nunkua pagar

los mira i nunka les da su repuesta. (Gaon, Poezias)

Nunka ayegaras a naser, si ansi tenia ke ser (8 dias antes de Pesah, 1909)

Nunka vi estreyero nin savio komo Yosef'' (Poema de Yosef)

Bora grande komo esta / nunka tuvo akontesido / al rumor de la tempesta / kedo el puevlo entontesido (La Epoka, Sal. 1898)

Porke kada uno keriamos ser rey / i kada uno azer su ley / todo lo ke mos plazia izimos / i aunados nunka estuvimos (La Amerika, 1916)

nunka me vo olvidar akea alegria / ke sintia la bendicha djuderia (manus. Vitali Varon, Const. 1948)

se aparavan deznudas delantre de Yosef, i nunka envelunto alevantar su ojo de la tierra. (Meam Loez Bereshit)

lo ke nunka tal se oyo en tiempo de tus aguelos los reyes pasados (Meam Loez Bereshit)

por esto nunka alevantan la kavesa i no paran mientes en el sielo i no avlan, (Meam Loez Bereshit)

No te separes nunka del publiko (Tefilat Imanuel, 1924)

I en sus dias de estos reyes alevantara el Dio de los sielos un reino ke nunka se danyara (P. R. Eliezer,1876)

I el le disho: si atar me ataren kon kuerdas nuevas, kon las kuales nunka fue echa ovra, entonses me enflakesere, i sere komo kualkier otro ombre. (Biblia, Const. 1873)

Ninguno pudo nunka saver la razon de este trokamiento de kolor ke yo sinyalo sin puederlo eksplikar (La dam o kamelia)

Era verdamente de ver estos ninyos gostar de unas komidas ke eyos nunka pensarian komer, (La boz de oriente, 1931)

Despartirme de vozotros? Nunka! (Pavlo i Virdjinia, 1912)

Mi ermano, todo tiempo ke yo estare biva, este suvenir no se despartira nunka de mi. (Pavlo i Virdjinia, 1912)

En su longa vida de kortezana, nunka avia pensado ke un dia arrivaria onde su ija le pozaria semejante demanda . (Rolando i Eleonora, 1953)

Deke no me avlash nunka de mi padre ?. . (Rolando i Eleonora, 1953)

Deshame, deshame, griti i me dezbati entre sus brasos, deshame i sal de aki envista, mas nunka ke no te aserkes de esta kaza. Nunka! (Luz de Israel, 1985)

El princhipiko, ke me azia munchas demandas, nunka paresia oir las mias. (El Princhipiko, 2010)

Komo nunka no tenia pintado un kodrero, izi otra vez para el, una de las dos unikas pinturias ke era kapache de realizar. (El Princhipiko, 2010)

El governo otomano no terna nunka nada lo ke pedrer en simpatizando un grande establesimiento de djudios en Palestina (La Amerika 1910)

i por esto todos los ke lo konosian no tuvieron nunka buena idea de el, i ninguno bushkava de aserkarlo. (El Djugeton, Const. 1908)

nozotros no kedaremos nunka de amar kon una dulse melankolia nuestras patrias donde fuimos eskartados (Herzl, El estado djidio, Sal. 1931)

La fiesta de oy no se embarara nunka de la memoria siendo eya me valio a konoser una ninya komo vos (La Ermoza Alis, Tel Aviv 1954)

la komparasion komo la metafora es fondada sovre la semejansa ma nunka dize nada ke no sea verdad (La eskalera, Const. 1888)

Disho: Si vos eskucho, el Dio no me enprezenta mis pekados nunka, segun esta dicho: ''Enkuvrien su pekado, no prosperara''. (Kuentos de Yerushalayim, 1923)

Disho el Rav: No te vas a minhá ... a arvit?... Le respondió el karnesero: Mi padre no me ambezó nada! No me vo nunka al kal! (Kuentos, 1986)

Sinyor rey, no te tiene akontesido nunka de ver un gameo korrer tan presto, ke te paresió ke estava bolando? (Kuentos, 1986)

en la Espanya akontesio un milagro grande por dar a saver la grandeza del Sh.Yit. i los milagros ke aze kon Israel ke nunka mos desho ni mos deshara (manus. Papo, Sarajevo 1840)

Segula para echar los kaveyos de la mujer de akel lugar i de todo su kuerpo i ke non le tornen a kreser nunka: ke se unte kon sangre de mursiegano mesklado kon leche de mujer (manus. Papo, Sarajevo 1840)