nasión f.

a nation, a people

grande nasión

מעצמה הגדולה

turko/grego de nasión

בעל לאומיות תורכית/יוונית על פי לידתו

Sedaka i bienfizensia enaltese a la nasion

ma oy las nasiones velan vuestros kavos (Gaon, Poezias)

unidad aprendan de el las nasiones. (Gaon, Poezias)

i podestar venga sovre las nasiones. (Gaon, Poezias)

Dio ke solemnizan todas las nasiones. (Gaon, Poezias)

ver nasion moverse en su esklavaje. (Gaon, Poezias)

kon muchos sermones la nasion djudia. (Gaon, Poezias)

Tu, el intrepidio Ah'av, terror de las nasiones, (Papo, Navot)

alegria i gozo a toda la nasion. (La segunda Ester, 1911)

De dezirlo al rey ke Esterina se prezentara avlar por su nasion. (La segunda Ester, 1911)

ke tuvieron la shans de ganar la nasion komo grandes lotoros (?) (La segunda Ester, 1911)

Ah! Por amor de mi nasion echo gritos de esklamasion. (8 dias antes de Pesah, 1909)

I si vas a toparlo i mos vas a kontarlo, i vamos aferrado, te lo aseguramos ke tu seras kerida de la nasion entera, por siempre bendizida. ('Ha-Elion: Shimshon, 2003)

guadrame de akel vizino ensavanado / ke manyana i tadre aze orasion / sin entender ke kon lodo es amasado / en eskorchando el kuero de su nasion (Rekolyo de Poezias Diversas, Tel Aviv 1931)

Ya, Dio!, arresgatamos de esta nasion, (Rebuelta de Yenicheris, siglo 18)

Se kuvrio el kamino de toda su nasion kon grande pasion todos mirando (Zimrat 'ha-Arets, 1745)

I despues de esta okazion enshalsho a Aman todo reino i nasion a el muncho aman (Purim, De-Fes, sig. 18)

Pandelo i mustachones, yeva dulse a las nasiones i kontaldes las razones ke no agan burla de el bever. (Mandjares de Purim, sig. 18)

Yorad i enguayad oy tishabeav ermanos / ma rogad ke presto se den todos las manos / por ke no ayga matansas i amargasion / i eskape el tishabeav de kada nasion (La Amerika. 1913)

Dia de fiesta ya es de grande memoria / toda sorte de nasion eskrivio la estoria / esta grande gloria ke venimos renkontrar / fue koza de enkantar / los djurnales lo eskrivieron / munchos no se kreeron (La Amerika, 1911)

Siempre deve de kudiar el kapo relijiozo / i ke toda la nasion tenga repozo / el Dio piadozo / i a el lo va guadrar / asegun el va pensar / por toda djuderia / ke ay en la Turkia (La Amerika, 1911)

Vino la ora del Dio de ser eskapados / kapos de toda nasion / personajes aprezados en la eskuridad / kon muncha krueldad/ por ke se rijeron / segun eyos kijeron (La Amerika, 1911)

Kelal de la koza es por bashas pasiones / ke tienen djente grandioza de todas las nasiones / sin azer munchas diskusiones / dieron orden de gerrear / veremos kuando va eskapar /la grande dubara / ke ya izo vedre la kara (La Amerika, 1915)

Todo lo kulpavan munchos de nozotros / i ke siempre avlavamos a otros / todos los sekretos dec nuestra nasion / i esto kavzava nuestra destruision (La Amerika, 1916)

se apiado el Dio de ver muesra afriision / estavamos kon tanta pasion / se tomo kon todo el mundo de nasion / tal mamzer no vidi yo (manus. Teza, 1820)

tenia muncho gusto de meldar livros de todas las nasiones por saver del mundo. (Meam Loez Bereshit)

lo ke no tienen ninguno de resto de las nasiones del mundo, (Meam Loez Bereshit)

ke son una nasion ke la montanya de har Gerizzim la tienen por un lugar muy santo, (Meam Loez Bereshit)

-Bendicha sea la nasion de Yisrael, (Meam Loez Bereshit)

kuartena, komo ke fueron afilu las nasiones bendichos kon el; (Lel Shimurim, 1819)

paso ribi Yeuda por kapo de la nasion i prezidente de los sanidrin (El gid, Istanbul 1967)

Al kontrario, el movimiento fue es i sera siempre pasivo i su plan es de alkansar al eskopo kon intelijensia i buen akordo del governo otomano, i si es de menester i kon el akordo de algunas otras nasiones (La Amerika 1910)

El sionizmo simpatizado de todas las nasiones del mundo, en siendo simpatizado del intelijente governo otomano aktual, avlara solo en favor del progreso del imperio otomano i de la nasion djudia (La Amerika 1910)

Este grande movimiento ke izo el progreso en nuestra nasion kriando el sentimiento nasional djudeo en el mundo entero rebiviendo nuestra antigua lengua ebrea ets. (La Amerika 1910)

i ya es provado de munchos anyos kuanto un djornal semejante ayuda al amejoramiento de una nasion (La Epoka, Sal. 1875)

Sr. Lehman ke es tambien viejo governador del estado de New York deklaro ke los Estados Unidos son en fakto una nasion de inmigrantes (La Boz de Turkiye, 1947)

la nasion otomana es no solamente agradesiente a su soverano ma eya se konsidera tambien muy fiera de ser governada por un monarka de tan grande valor (El Tiempo, Const. 1896)

i estuvieron eskriviendo en las gazetas, i bushkaron de kitar bilbul en la nasion, por ke no keren ke nuestra nasion se adelante. (El Djugeton, Const. 1908)

i siendo ke este djenero de djente azen dezonor a la nasion, malgrado ke nozotros Djudios devemos tener piadad de todos; (El Djugeton, Const. 1908)

Si yo tomo a esta ija eya konservara su relijion, los uzos i kostumbres de su famiya i de su nasion (La Ermoza Alis, Tel Aviv 1954)